| e-texts navigator |
| Wylie |
71b1 སོ།། སྟོབས་འདི་ལྟ་བུ་དང་ལྡན་པའི་བྱང་ཆུབ་སེམས་དཔའ་རྣམས་ནི་གང་ཐོས་ནས་སྡུག་པར་འགྱུར་བའི་སངས་རྒྱས་ཀྱི་ཆོས་དེ་དག་གང་ཡང་མེད་དོ།། བློ་གྲོས་རྒྱ་མཚོ་བསྟན་པའི་སྒྲ་དེ་དག
71b2 ཐམས་ཅད་ནི་འཇིག་པའོ།། བྱང་ཆུབ་ཀྱི་དོན་དམ་པ་གང་ཡིན་པ་དེ་ནི་བརྗོད་པར་མི་ནུས་སོ།། དེ་ཅིའི་ཕྱིར་ཞེ་ན། བརྗོད་དུ་མེད་པ་དེ་ནི་བསྨད་དུ་མེད་པ་སྟེ། དེ་ལ་ནི་ཡི་གེ་རྣམས་ཀུན་ཏུ་མི
71b3 རྒྱུའོ།། དེ་ལ་ནི་སེམས་དང་སེམས་ལས་བྱུང་བའི་ཆོས་རྣམས་ཀྱང་ཀུན་ཏུ་མི་རྒྱུན་ཡི་གེ་རྣམས་ཀུན་ཏུ་རྒྱུ་བར་འགྱུར་བ་ལྟ་སྨོས་ཀྱང་ཅི་དགོས། འདི་ལྟར་ཆོས་ཟབ་མོ་ཡི་གེ་མེད་པ
71b4 བིསྙད་པ་མེད་པ། རྗོད་དུ་མེད་པ། སླར་མེད་པ་འདི་ལྟ་བུ་མངོན་པར་རྫོགས་པར་སངས་རྒྱས་ཀྱང་ཡི་གེའི་རྣམ་པར་རིག་པས། སེམས་ཅན་གཞན་དང་། གང་ཟག་གཞན་རྣམས་ལ་སྟོན་ཏུ
71b5 སེམས་ཅན་བསམ་གྱིས་མི་ཁྱབ་པ་དག་ལ་སངས་རྒྱས་བཅོམ་ལྡན་འདས་རྣམས་ཀྱི་ཐུགས་རྗེ་ཆེན་པོ་ཇི་སྙེད་འཇུག་པ་ལ་ལྟོས།། བློ་གྲོས་རྒྱ་མཚོ་འདི་ལྟ་སྟེ། དཔེར་ན། སྐྱེས
71b6 བུ་ལ་ལ་ཞིག་གིས་ནམ་མཁའ་གཟུགས་མེད་པ། བསྟན་དུ་མེད་པ། ཐོག་པ་མེད་པ་རྣམ་པར་རིག་པ་མེད་པ་འདི་ལ་ཚོན་སྣ་ཚོགས་ཀྱིས་རི་མོར་བྲིས་ཏེ། རྟ་པ་དང་། གླང་པོ་ཆེ་དང་།
71b7 ཤིང་རྟ་དང་། དཔུང་བུ་ཆུང་དང་། གཞོན་པ་རྣམས་སུ་འདི་ཉེ་བར་སྟོན་ཏམ། ལྷ་དང་ཀླུ་དང་། གནོད་སྦྱིན་དང་། དྲི་ཟའི་གཟུགས་རྣམས་འདིར་ཉེ་བར་སྟོན་ན། བློ་གྲོས་རྒྱ་མཚོ་འདི་ལ
iiif viewer powered by OpenSeadragon
