| e-texts navigator |
| Wylie |
71a1 ཐོགས་པ་མེད་པའི་ངང་པའི་སྟོབས་དང་། སྟོན་པ་དང་། མཚུངས་པའི་བློས་གུས་པ་ལས་ངེས་པར་བྱུང་བ་དགེ་བའི་བཤེས་གཉེན་གྱི་སྟོབས་དང་། འཇིག་རྟེན་ལས་འདས།
71a2 པའི་ཆོས་ཡོངས་སུ་རྫོགས་པར་བྱེད་པས། ཐོས་པ་ལས་ངེས་པར་བྱུང་བས་ཤེས་རབ་ཀྱི་སྟོབས་དང་། བསོད་ནམས་ཚད་མེད་པ་ཡོངས་སུ་རྫོགས་པར་བྱེད་པས། བསོད་ནམས་ལས་ངེས
71a3 པར་བྱུང་བ་བསྙེན་བཀུར་བྱ་བའི་སྟོབས་དང་བདུད་ཐམས་ཅད་ངེས་པར་གཞོམ་པའི་ཕྱིར། ཚུལ་བཞིན་ལས་ངེས་པར་བྱུང་བ་ཡེ་ཤེས་ཀྱི་སྟོབས་དང་། ཆོས་རྣམས་བདག་མེད་པ་ལ་དོགས
71a4 པ་མེད་པས། བྱམས་པ་ཆེན་པོ་ལས་ངེས་པར་བྱུང་བ་སྙིང་རྗེ་ཆེན་པོའི་སྟོབས་དང་། བྱང་ཆུབ་ཀྱི་སེམས་བརྗེད་པ་མེད་པས་ངེས་པར་སེམས་པ་ལས་ངེས་པར་བྱུང་བ་སེམས་ཀྱི་སྟོབས་དང
71a5 མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པ་ས་གཞན་གྱི་དྲིང་མི་འཇོག་པ་ལས་ངེས་པར་བྱུང་བའི་བཟོད་པའི་སྟོབས་སོ།། ཚངས་པ་བརྒྱད་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི
71a6 སྟོབས་ཏེ། སྟོབས་དེ་དག་དང་ལྡན་ན། བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཟབ་མོ་དག་ལ་སྐྲག་པར་མི་འགྱུར་རོ།། དེ་ནས་བཅོམ་ལྡན་འདས་ཀྱིས
71a7 བྱང་ཆུབ་སེམས་དཔའ་བློ་གྲོས་རྒྱ་མཚོ་ལ་ལེགས་སོ་ཞེས་བྱ་བ་བྱིན་ཏེ། བློ་གྲོས་རྒྱ་མཚོ་ཁྱོད་ཀྱིས་བྱང་ཆུབ་སེམས་དཔའ་རྣམས་ཀྱི་སྟོབས་དེ་དག་ལེགས་པར་བཤད་པ་ནི་ལེགས་སོ་ལེགས
iiif viewer powered by OpenSeadragon
