| e-texts navigator |
| Wylie |
70b1 ཤེས་བསྟན་ཀྱང་སངས་རྒྱས་ཀྱི་ཆོས་རྣམས་ལ་ནི་ཡང་དག་པར་ཡོངས་སུ་གྲུབ་པ་གང་ཡང་མེད་དོ།། སྨྲས་པ། རིགས་ཀྱི་བུ་བྱང་ཆུབ་སེམས་དཔའ་ལས་དང་པོ་པས་བསྟན་པ་འདི་ཟོས་ནས།
70b2 སྐྲག་པར་མི་འགྱུར་གྱི། དེས་སངས་རྒྱས་ཀྱི་ཆོས་རྣམས་ཀྱི་ཆེད་དུ་གོ་ཆ་གྱོན་པ་ནི་ངོ་མཚར་ཏོ།། སྨྲས་པ། ཚངས་པ་སངས་རྒྱས་ཀྱིས་བྱིན་གྱིས་བརླབས་པའི་སེམས་ཅན་རྣམས་བྱང་ཆུབ
70b3 ཏུ་སེམས་བསྐྱེད་དེ། དེ་དག་སངས་རྒྱས་ཀྱི་ཆོས་ཟབ་མོ་ཐོས་ན། སྐྲག་པར་མི་འགྱུར་རོ།། ཚངས་པ་འཛིན་པ་དང་། མངོན་པར་ཞེན་པར་གྱུར་ན། སྐྲག་པར་འགྱུར་གྱི། འཛིན་པ་མེད་ཅིང
70b4 མངོན་པར་ཞེན་པ་མེད་པ་ན། སྐྲག་པར་མི་འགྱུར་རོ།། གནས་དང་ཆགས་པར་གྱུར་ན། སྐྲག་པར་འགྱུར་གྱི་གནས་མེད་ཅིང་ཆགས་པ་མེད་ན་སྐྲག་པར་མི་འགྱུར་རོ།། ངར་འཛིན་པ་དང་།
70b5 ང་ཡིར་འཛིན་པར་གྱུར་ན། སྐྲག་པར་འགྱུར་གྱི། ངར་འཛིན་པ་དང་། ང་ཡིར་འཛིན་པ་དང་བྲལ་ན། སྐྲག་པར་མི་འགྱུར་རོ།། སྨྲས་པ། སྟོབས་གང་དང་ལྡན་ན། བྱང་ཆུབ་སེམས་དཔའ་སངས
70b6 རྒྱུས་ཀྱི་ཆོས་ཟབ་མོ་དག་ལ་སྐྲག་པར་མི་འགྱུར་བའི་བྱང་ཆུབ་སེམས་དཔའི་སྟོབས་གང་ཡིན། སྨྲས་པ། ཚངས་པ་བྱང་ཆུབ་སེམས་དཔའ་རྣམས་ཀྱི་སྟོབས་ནི་བརྒྱད་པོ་འདི་དག་སྟེ། སྟོབས
70b7 དེ་དག་དང་ལྡན་ན། བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཟབ་མོ་དག་ལ་སྐྲག་པར་མི་འགྱུར་རོ།། བརྒྱད་གང་ཞེ་ན། འདི་ལྟ་སྟེ། སངས་རྒྱས་ཀྱི་ཆོས་ཐམས་ཅད་ལ་མོས་པས།
iiif viewer powered by OpenSeadragon
