| e-texts navigator |
| Wylie |
69b1 འདི་རབ་ཤེས་པ།། དེ་ཡི་ཡེ་ཤེས་མཐར་སོན་པ།། ཆོས་རྣམས་ཀུན་ལ་འཇུག་པར་འགྱུར།། ཆོས་རྣམས་གང་དག་འདས་པ་དང་།། ཆོས་རྣམས་གང་དག་མ་འོངས་དང་།། ད་ལྟར་བྱུང་བའི་ཆོས
69b2 གང་དག། དེ་རྣམས་སངས་རྒྱས་ཆོས་སུ་འདོད།། ད་ལྟར་དུས་གསུམ་རྣམས་ལ་ཡང་།། སངས་རྒྱས་ཡེ་ཤེས་ཆགས་པ་མེད།། གང་དུ་ཡེ་ཤེས་མི་ཆགས་པ།། དེ་དག་ཐུབ་པའི་ཆོས་སུ་བསྟན།།
69b3 སྟོབས་ནི་རྣམ་པ་བཅུ་དག་དང་།། མི་འཇིགས་རྣམས་བཞི་གང་དག་དང་།། སངས་རྒྱས་རྣམས་ཀྱི་མ་འདྲེས་ཆོས།། རྣམ་པ་བཅོ་བརྒྱད་གང་ཡིན་དང་།། གཞན་ཡང་ཆོས་གང་ཇི་ཡོད་པ།། ཐམས
69b4 ཅད་འདིར་ནི་འདུས་པར་གྱུར།། དེས་ན་ཆོས་རྣམས་དེ་དག་ཀུན།། སངས་རྒྱས་ཆོས་ཤེས་བརྗོད་པ་ཡིན།། །། བམ་པོ་ལྔ་པ། ཚངས་པ་སྙིང
69b5 རྗེ་ཆེན་པོ་སེམས་པས།། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་མཚོ་ལ་འདི་སྐད་ཅེས་སྨྲས་སོ།། ཅི་རིགས་ཀྱི་བུ་ཁྱོད་ལ་ཆོས་འདི་དག་མངོན་སུམ་དུ་གྱུར་ཏམ་སྨྲས
69b6 པ་ཚངས་པ་ཅི་སངས་རྒྱས་ཀྱི་ཆོས་རྣམས་གཟུགས་སུ་བགྲང་ངམ། སྨྲས་པ་དེ་ནི་མ་ཡིན་ནོ།། སྨྲས་པ། ཚངས་པ་ཆོས་གང་གཟུགས་མེད། བསྟན་དུ་མེད། ཐོགས་པ་མེད
69b7 རྣམ་པར་རིག་པ་མེད་པ་དེ་ལ། གང་ཡང་མངོན་སུམ་དུ་འགྱུར་རམ། སྨྲས་པ། རིགས་ཀྱི་བུ་དེ་ནི་མ་ཡིན་ནོ།། སྨྲས་པ། ཚངས་པ་དེ་ལྟར་ན་ཆོས་ཐམས་ཅད་ནི་མངོན་སུམ་མ་ཡིན་པ་ཉིད་དོ།། །
iiif viewer powered by OpenSeadragon
