| e-texts navigator |
| Wylie |
69a1 གནས།། དེ་ལྟའི་གནས་ལ་གནས་པའི་ཆོས།། སངས་རྒྱས་ཆོས་ཏེ་བླ་ན་མེད།། སངས་རྒྱས་ཆོས་རྣམས་དེ་དག་ནི།། ཡུལ་དང་ཕྱོགས་ན་གནས་པ་མེད།། སྐྱེ་བ་དང
69a2 ནི་འཇིག་པ་ཡིས།། ནམ་ཡང་རབ་ཏུ་ཕྱེ་བ་མིན།། གང་དུའང་ཆོས་རྣམས་དེ་དག་ལ།། དབྱིབས་དང་ཁ་དོགས་རྙེད་མི་འགྱུར།། མཚན་མ་མེད་ཅིང་རྟགས་མེད་པར།། སངས་རྒྱས་ཆོས་རྣམས་རབ
69a3 ཏུ་བསྟན།། ཆོས་ཀུན་རང་བཞིན་གང་ཡིན་པ།། སངས་རྒྱས་ཆོས་རྣམས་དེ་ལྟའི་ཚུལ།། དེས་ན་དེ་དག་མཉམ་པར་བསྟན།། ཁྱད་པར་མེད་དེ་མཚན་ཉིད་མེད།། སངས་རྒྱས་ཆོས་རྟོགས་འདོད་པ
69a4 ཡིན།། ཆོས་རྣམས་ཀུན་ལ་བལྟ་བར་བྱ།། གང་ཚེ་ཆུང་ཟད་མི་དམིགས་པ།། དེའི་ཚེ་རྣམས་པར་བལྟས་པ་ཡིན།། སངས་རྒྱས་དང་ནི་སངས་རྒྱས་ཆོས།། ཆོས་རྣམས་ཀུན་ཡང་ཐམས་ཅད་དུ།
69a5 བྱང་ཆུབ་སྙིང་པོར་དྲང་སྲོང་ཆེས།། དེ་དག་ཡང་དག་མཉམ་པར་རྟོགས།། སངས་རྒྱས་ཆོས་གང་སངས་རྒྱས་ཀྱིས།། བྱང་ཆུབ་སྙིང་པོར་གང་བལྟས་པ།། སངས་རྒྱས་ཆོས་བསྟན་པ་དེ་དག་ནི།
69a6 རྟག་ཏུ་མཉམ་པ་ཉིད་ཀྱི་མཉམ།། མཉམ་སྟེ་མི་མཉམ་མེད་པའི་ཆོས།། ནམ་མཁའ་ལྟ་བུར་དྲི་མེད་པར།། སངས་རྒྱས་ཀྱིས་ནི་མཁྱེན་པས་རྟོགས།། དེས་འདིར་སངས་རྒྱས་ཡིན་ཞེས
69a7 བརྗོད།། རྟེན་ཅིང་འབྲེལ་པར་གང་བྱུང་བ།། དེ་དག་གང་ལའང་རང་བཞིན་མེད།། གང་དག་ངོ་བོ་ཉིད་མེད་པ།། དེ་དག་གང་དུའང་འབྱུང་བ་མེད།། འགྲོ་བ་མཐའ་མེད་མཉམ་པ་ནི།། གང་གི་མཐར
iiif viewer powered by OpenSeadragon
