| e-texts navigator |
| Wylie |
68a1 རྣམས་ཁམས་གསུམ་ལས་ཤིན་ཏུ་འདས་པ་མི་མ་ཡིན་ནམ། བློ་གྲོས་རྒྱ་མཚོས་སྨྲས་པ། ཚངས་པ་ཁམས་གསུམ་གྱི་ངོ་བོ་ཉིད་ཀྱི་མཚན་ཉིད་སངས་རྒྱས་ཀྱི་ཆོས
68a2 རྣམས་སོ།། དེ་ཅིའི་ཕྱིར་ཞེ་ན། ཚངས་པ་སངས་རྒྱས་ཀྱི་ཆོས་རྣམས་ཁམས་གསུམ་ལས་ཤིན་ཏུ་མཉམ་པ་ཉིད་ལ་ཐ་མ་འམ། མཆོག་གང་ཡང་མེད་དོ།། ཚངས་པ་འདི་ལྟ་སྟེ་པར་ན།།
68a3 ནམ་མཁའ་ལ་ཐ་མ་འམ། མཆོག་གང་ཡང་མེད་དོ།། ཚངས་པ་དེ་བཞིན་དུ་སངས་རྒྱས་ཀྱི་ཆོས་དེ་དག་ནི་ནམ་མཁའ་དང་མཉམ་སྟེ། དེ་དག་ལ་ཡང་ཐ་མ་འམ། མཆོག་གང་ཡང་མེད་དོ།།
68a4 ཚངས་པ་ཆོས་ཐམས་ཅད་ཀྱི་རང་བཞིན་གང་ཡིན་པ་དེ་ནི། ངོ་བོ་ཉིད་ཀྱིས་སྟོང་པ་ཉིད་དེ། དེ་ལ་ཡང་ཐ་མ་འམ། མཆོག་གང་ཡང་མེད་དོ།། ཚངས་པ་སངས་རྒྱས་ཀྱི་ཆོས་ཁོང་དུ་ཆུད་པར
68a5 འདོད་པའི་རིགས་ཀྱི་བུ་འམ། རིགས་ཀྱི་བུ་མོས་རྟོགས་པ་མེད་པའི་ཚུལ་གྱིས་སངས་རྒྱས་ཀྱི་ཆོས་དེ་ལྟར་རྟོགས་པར་བྱའོ།། ཚངས་པ་གཞན་ཡང་སངས་རྒྱས་ཀྱི་ཆོས་རྣམས་ནི་ཡུལ་ན་མི
68a6 གནས་པ་ཕྱོགས་ནས་མི་གནས་པ། མ་སྐྱེས་པ། མ་འགགས་པ། སྔོན་པོ་མ་ཡིན་པ། སེར་པོ་མ་ཡིན་པ། དམར་པོ་མ་ཡིན་པ། དཀར་པོ་མ་ཡིན་པ། ལེབརྒན་མ་ཡིན་པ། ཤེལ
68a7 དང་དངུལ་གྱི་ཁ་དོག་ལྟ་བུ་མ་ཡིན་པ་དག་སྟེ། དེ་དག་གི་ཁ་དོག་མེད་པ། དབྱིབས་མེད་པ། རྟགས་མེད་པ་དག་གོ།། དེ་དག་ནི་མཚན་མ་མེད་པ་དག་གོ།། ཚངས་པ་མཚན་མ་མེད་པའི་དོན་ནི། སངས
iiif viewer powered by OpenSeadragon
