| e-texts navigator |
| Wylie |
65b1 ཆུད་མི་གཟོན་པ་ཡིན།། རྩོམ་པ་དེ་དག་དྲན་དང་ཤེས་བཞིན་ཅན།། བརྟུལ་བ་ཆོས་རྟོགས་པ་ལ་འཇུག་པ་ཡིན།། བློ་གྲོས་ཀུན་ཏུ་བསྲུངས་པ་སོ་སོར་རྟོག། བསྒྲུབ་པ་དེ་ལ་མོས་ཤིང་འགྱུར་བ་མེད།།
65b2 རྩོམ་པ་རིགས་པ་བརྟུལ་བ་ཚུལ་ཡིན་ཏེ།། སོ་སོར་རྟོག་པ་དེ་ནི་ཆོས་སྒོ་ཡིན།། བསྒྲུབ་པ་དེ་ནི་འབྱུང་བ་རབ་ཏུ་ཤེས།། འདི་དག་བརྩོན་འགྲུས་བརྩམས་པའི་སྦྱོར་བ་ཡིན།། རྩོམ་པ
65b3 ཚིག་འབྲུ་ཀུན་ཏུ་འཛིན་པ་སྟེ།། བརྟུལ་བ་བསྟན་པ་ཡང་དག་སྟོན་པར་བྱེད།། སོ་སོར་རྟོག་པ་སྒྲི་ན་སེལ་བྱེད་པ།། བསྒྲུབ་པ་ཆོས་རྣམས་བརྗོད་དུ་རེད་པ་ཉིད།། རྩོམ་པ་དགེ་བའི་བཤེས་གཉེན
65b4 བསྟན་པ་ཡིན།། བརྟུལ་བ་སྡིག་པའི་གྲོགས་པོ་རྣམ་པར་སྤོང་།། ཐོས་ནས་ཆོས་ཉིད་ལ་ནི་སོ་སོར་རྟོག། བསྒྲུབང་ཆོས་རྣམས་དང་ནི་འགལ་མི་བྱེད།། རྩོམ་པ་སངས་རྒྱས་བསྟན་ལ་རབ་ཏུ་འབྱུང་།
65b5 བརྟུལ་བ་དགའ་བ་ཐམས་ཅད་སྤོང་བ་ཡིན།། དགེ་ལ་གནས་པ་གང་ཡིན་སོ་སོར་རྟོག། ཆོས་རྣམས་འགལ་བ་མེད་པ་བསྒྲུབས་པ་ཡིན།། རྩོམ་པ་དགོན་པར་དགའ་བ་གང་ཐོས་པ།། བརྟུལ་བ་འདུ་འདྲི།
65b6 རྣམ་པར་སྤོང་བ་ཡིན།། དབེན་པར་གནས་པར་དགའ་བ་སོ་སོར་རྟོག། བསྒྲུབ་པ་གང་ཡིན་ཉོན་མོངས་མེད་པར་གནས།། རྩོམ་པ་འདོད་པ་ཆུང་ཞིང་དགའ་བློ་བདེ།། བརྟུལ་བ་དེ་ནི་ཆོཚིག་ཤེས་གྱུར
65b7 པ་ཡིན།། ངེས་པར་གང་གྱུར་དེ་ནི་སོ་སོར་རྟོག། བསྒྲུབ་པ་གང་ཡིན་རུང་བའི་ཚོད་ཤེས་པ།། རྩོམ་པ་ལྷག་པའི་ཚུལ་ཁྲིམས་སློབ་ཞེས་བྱ།། བརྟུལ་བ་ཚུལ་ཁྲིམས་སློབ་པ་མེད་པ་ཡིན།། ལྷག་པའི
iiif viewer powered by OpenSeadragon
