| e-texts navigator |
| Wylie |
64b1 དེ་དག་དགའ་བའི་རྣམ་པ་ཏིང་འཛིན་ཐོབ།། སྔོན་ཆད་པ་མཐོང་བ་ཡི་བདེ་བ་མྱོང་།། རྐང་གཉིས་ཀྱི་ནི་ཚོགས་གྱུར་གྲངས་ཆེན་པོ།། བྱེ་བ་ཕྲག་ནི་སུམ་ཅུ་རྩ་དྲུག་ཡོད།། གཞན་ཡང་ལྷ་དང་མི་ནི་མང
64b2 པོ་དག། སངས་རྒྱས་ཐེག་པ་མཆོག་ལ་ཞུགས་པར་འགྱུར།། ཡོན་ཏན་ཡེ་ཤེས་རྒྱ་མཚོ་དྲང་སྲོང་ཆེ།། དེ་ནི་བརྩོན་འགྲུས་བསྔགས་པ་ཡང་ཡང་བརྗོད།། དེ་ནིས་བརྩོན་འགྲུས་བརྟན་པ་མཁས་པ
64b3 ཏེ།། ལངས་ནས་དོན་འདི་ཉིད་ནི་རྒྱལ་ལ་ཞུས།། བྱང་ཆུབ་སེམས་དཔའ་བརྩོན་འགྲུས་བརྩམས་གྱུར་པ།། ཇི་ཙམ་གྱིས་ན་བརྩོན་འགྲུས་སྟོབས་ལ་གནས།། དེ་དོན་བཅོམ་ལྡན་བདག་ལ་བཤད
64b4 དུ་གསོལ།། བདག་ནི་དེ་ལ་རབ་ཏུ་ནན་ཏན་བགྱིད།། དེ་ཡི་བསམ་པ་མཁྱེན་ནས་ཆོས་རྔ་དེས།། བརྩོན་འགྲུས་ལས་བརྩམས་ཡོན་ཏན་རབ་གསུངས་པ།། རྩོམ་པ་དང་ནི་དེ་བཞིན་བརྟུལ་བ་དང་།།
64b5 རྟག་ཏུ་སོ་སོར་རྟོག་དང་སྒྲུབ་པའོ།། རྩོམ་པ་དེ་ནི་བྱང་ཆུབ་སེམས་ཤེས་བྱ།། བརྟུལ་བ་དགེ་བ་སྟོང་དག་སྒྲུབ་བྱེད་པ།། སོ་སོར་རྟོག་པ་སེམས་ཅན་ཕན་པའི་དངོས།། བསྒྲུབ་པ་དེ་བྱེད་ཆོས་ལ་བཟོད།
64b6 པ་ཡིན།། རྩོམ་པ་གུས་པར་བྱས་ཏེ་ཐོས་ཚོལ་བ།། བརྟུལ་བ་བརྟན་པ་ཡང་དགེ་སྟོན་བྱེད་པ།། སོ་སོར་རྟོགས་པ་འདི་ནི་ཚུལ་བཞིན་བརྗོད།། བསྒྲུབ་པ་གང་ཚེ་ཡང་དག་ལྟ་སྨྲ་བ།། རྩོམ་པ་སེར
64b7 སྣའི་དྲི་མ་སེལ་བ་ཡིན།། བརྟུལ་བ་བདོག་པ་ཐམས་ཅད་ཡོངས་གཏོང་བ།། སོ་སོར་རྟོག་པ་རྫོགས་པའི་བྱང་ཆུབ་སེམས།། བསྒྲུབ་པ་གང་ཚེ་རྣམས་སྤྲིན་མི་རེ་བ།། རྩོམ་པ་གཏོང་བ་ཆེན་པོ་གང
iiif viewer powered by OpenSeadragon
