| e-texts navigator |
| Wylie |
64a1 པར་རིང་ངོ་།། བློ་གྲོས་རྒྱ་མཚོ་བསྟན་པ་འདི་ལ་བརྩོན་འགྲུས་བརྩམས་པ་ནི་དག་པར་འགྱུར་གྱི། ལེ་ལོ་ཅན་ནི་མ་ཡིན་ནོ།། བློ་གྲོས་རྒྱ་མཚོ་རྣམ་གྲངས་དེས་ན། འདི་ལྟར་གང
64a2 ལ་བརྩོན་འགྲུས་དང་། བག་ཡོད་པ་དེ་ལ་བྱང་ཆུབ་ཡོད་པར་རིག་པར་བྱའོ།། བཅོམ་ལྡན་འདས་ཀྱིས་བརྩོན་འགྲུས་དང་རབ་ཏུ་ལྡན་པའི་སྔོན་བྱུང་བ་འདས་པའི་ལེའུ་འདི་བཤད་པ་ན། བྱང་ཆུབ་སེམས
64a3 དཔའ་ལྔ་སྟོང་གིས་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པར་གྱུར་ཏོ།། ལྷ་དང་མིའི་སྐྱེ་དགུའི་སྲོག་ཆགས་བདུན་སྟོང་གིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།།
64a4 དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ།། ངས་དྲ་སྔ་མ་འདས་པའི་དུས་ན་ནི། བསྐལ་པ་མེ་ཏོག་འབྱུང་གནས་བལྟ་སྡུག་ལ་ཤིན་ཏུ
64a5 རྣམ་བལྟས་འཇིག་རྟེན་ཁམས་མཆོག་ཏུ་བརྩོན་འགྲུས་འབར་བའི་བདེ་བར་གཤེགས་པ་བྱུང་། བསྐལ་པ་དེ་ལ་རྒྱལ་བགྲང་བྱུང་བ། དེ་དག་བརྒྱད་ཁྲི་བཞི་སྟོང་ཐམ་པའོ།། འཇིག་རྟེན་ཁམས
64a6 ནི་དགའ་ལྡན་གནས་འདྲ་སྟེ། མི་ཡི་བཟའ་དང་བཏུང་བ་བསམས་པས་འབྱོར།། བུད་མེད་ཡོད་མིན་མངལ་ར་གནས་པ་མེད།། སེམས་ཅན་ཐམས་ཅད་རྫུས་ཏེ་སྐྱེས་པར་གྱུར།། ཐེག་པ
64a7 དམན་པ་གྲག་པར་མ་གྱུར་ཏེ།། ཐམས་ཅད་བདག་ཉིད་ཆེ་བའི་ཐེག་ཆེན་ཞུགས།། ཤིན་ཏུ་རྣམ་བལྟས་འཇིག་རྟེན་ཁམས་བལྟ་ཕྱིར།། བྱང་ཆུབ་སེམས་དཔའི་ཕྱོགས་བཅུ་ནས་ལྷགས་པ།
iiif viewer powered by OpenSeadragon
