| e-texts navigator |
| Wylie |
57b1 པའང་ཁོང་དུ་ཆུད་བྱས་ལ།། དེ་ཡི་འོག་ཏུ་དེ་ཡི་མཚན་ཉིད་བསྟན།། ཀུན་ནས་ཞགས་པའི་དྲ་བར་རབ་བཅུག་པ།། རིག་པ་འཛིན་པའི་སྐྱེས་བུ་མཁས་གསལ་བ།། དེས་ནི་ཞགས་པ་ཐམས་ཅད།།
57b2 རབ་བཅད་དསོ།། ཇི་ལྟར་འདོད་པ་བཞིན་དུ་མ་སྨད་འགྲོ།། དེ་ལྟར་བྱང་ཆུབ་སེམས་དཔའ་དཔའ་མཁས་པ།། འགྲོ་བ་ཀུན་ལ་སེམས་ཀྱི་བསམ་ཞུགས་ནས།། ཉོན་མོངས་དེ་དག་ཐམས་ཅད་རབ
57b3 བཅད་དེ།། སྒྲིབ་པ་མེད་པར་འགྲོ་བ་ཀུན་ལ་སྤྱོད།། ཉི་མའི་འོད་ལ་གྲོགས་ནི་བྱ་མི་དགོས།། སྦྲུལ་གདུག་ལ་ཡང་གྲོགས་བྱ་དགོས་མ་ཡིན།། སེང་གེའི་སྒྲ་ལ་གྲོགས་བྱ་མི་དགོས་ཏེ།། བྱང་ཆུབ
57b4 སེམས་དཔའ་ལ་ཡང་གྲོགས་མི་དགོས།། དེ་དག་གྲོགས་མེད་གཅིག་པུ་གཉིས་མེད་པར།། སངས་རྒྱས་ཆོས་མང་ཡང་དག་སྒྲུབ་པར་བྱེད།། བརྩོན་འགྲུས་དང་ནི་མཐུ་དང་སྟོབས་སུ་ལྡན།། འགྲོ
57b5 བའི་ཉོན་མོངས་རྣམས་ནི་རབ་ཏུ་འཇོམ།། ཇི་ལྟ་ཇི་ལྟར་མེས་ནི་རྩ་སྙད་པ།། དེ་ལྟ་དེ་ལྟར་དེ་སྟོབས་ཕྱིར་ཞིང་འཕེལ།། ཇི་ལྟར་བྱང་ཆུབ་སེམས་དཔའ་ཉོན་མོངས་སྲིད།། དེ་ལྟ་དེ་ལྟར་ཤེས་རབ་མེ་རབ
57b6 འཕེལ།། དཔེ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་མཚོ་ལ་བཀའ་སྩལ་པ
57b7 བློ་གྲོས་རྒྱ་མཚོ་བྱང་ཆུབ་སེམས་དཔས་བརྩོན་འགྲུས་བརྩམ་པར་བྱའོ།། བྱང་ཆུབ་སེམས་དཔས་རྟག་ཏུ་བརྟུལ་བ་བརྟན་པ་དང་། འདུན་པ་ཆེ་བར་བྱའོ།། གཅེས་པ་མི་འདོར་བར་བྱའོ།། བློ་གྲོས
iiif viewer powered by OpenSeadragon
