| e-texts navigator |
| Wylie |
57a1 ཡིན་འདུ་ཤེས་སེམས་པ་མིན།། དེ་དག་ཡེ་ཤེས་ལས་དང་དེ་བཞིན་དུ།། རྣམ་པར་ཤེས་པའི་ལས་ཀྱིས་ཤེས་མི་ནུས།། ཡི་གེ་རྣམས་ཀྱིས་ཆོས་འདི་བསྙད་པ་གང་།།
57a2 སངས་རྒྱས་ཐུགས་རྗེ་འདི་ནི་བླ་ན་མེད།། སེམས་ཅན་གང་དག་སྔོན་ཆད་བྱས་ལྡན་ཞིང་།། དགེ་བའི་བཤེས་གཉེན་གྱིས་ཀྱང་ཡོངས་ཟིན་པ།། དེ་དག་འདི་འདྲའི་ཆོས་འདི་ཐོས་ནས་ནི།། དགའ་བ་རྒྱ་ཆེན་ཟང་ཟིང་།།
57a3 མེད་པ་ཐོབ།། འདི་ནི་ཅི་སེམས་ཅི་ཞིག་བྱེད་ཅིག་ཅེས།། དེ་དག་བདུད་ཀྱིས་སྐྱོན་ཆགས་མི་རྙེད་དེ།། སེམས་དང་སེམས་ཀྱི་སྤྱོད་ཡུལ་མི་ཤེས་ན།། བར་དུ་བདུད་ལས་བྱེད་པར་ག་ལ་འགྱུར།། བདུད་བཞི་འདི
57a4 ལས་ཤིན་ཏུ་འདས་ནས་ནི།། རིག་པ་དང་ནི་བློ་དང་བསོད་ནམས་དང་།། ཚུལ་གྱི་སངས་རྒྱས་སྤྱོད་ཡུལ་རབ་གནས་པ།། བྱང་ཆུབ་སྤྱོད་པ་དམ་པ་འདི་ལ་སྤྱོད།། གང་ཞིག་སེམས་ཅན་ཀུན་གྱི་སྤྱོད་ཤེས་པ།།
57a5 དེ་ནི་བྱང་ཆུབ་སྤྱོད་མཆོག་འདི་ལ་སྤྱོད།། དེ་ཡིས་སྤྱོད་པ་རྣམ་མང་འདི་ཐོས་ནས།། དེ་ཡི་མཚན་ཉིད་ཆོས་ཀྱང་རབ་ཏུ་སྟོན།། འགྲོ་བའི་སྤྱོད་པ་འདི་ནི་སྣ་ཚོགས་ཏེ།། ཕན་ཚུན་དམིགས་པར
57a6 ཡང་དག་རབ་ཏུ་ལྡན།། བདག་ཆེན་དེ་དག་སྤྱོད་ཡུལ་དེ་ཤེས་ནས།། བྱེད་པར་ངེས་པར་བསྟན་པ་ལུང་ཡང་སྟོན།། འདི་ན་སེམས་ཅན་ཆགས་མང་ཆགས་པ་ཡོད།། དེ་དག་ཞེ་སྡང་བག་ཉལ་རྣམ
57a7 པ་མང་།། དེ་དག་ཞེ་སྡང་ཉོན་མོངས་གཟིར་བར་སྣང་།། དེ་དག་གཏི་མུག་ཆེན་པོས་གནོད་པར་གྱུར།། དེ་དག་འགྲོ་བའི་སྤྱོད་པ་སྣ་ཚོགས་ཏེ།། དེ་ལ་འཇུག་པ་དང་ནི་མཚན་མ་དང་།། རྒྱན་དང་དམིགས
iiif viewer powered by OpenSeadragon
