| e-texts navigator |
| Wylie |
55b1 དཔའ་ལས་དང་པོ་པ་ཡང་། སངས་རྒྱས་ཞེ་འམ། སངས་རྒྱས་མ་ཡིན་པ་ཞེས་ཀྱང་མི་རྗོད་དོ།། ཤཱ་ར་དྭ་ཏིའི་བུ་འདི་ལྷ་སྟེ། དཔེར་ན། ནོར་བུ་རིན་པོ་ཆེ་བྱི་དོར་མ་བྱས་པ་ལ་ནི་བངོན་པར་འདུ་བྱ།
55b2 བར་མི་འགྱུར་རོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་ལས་དང་པོ་པ་ཡང་ཆོས་བསྟན་པ་ལ་འཇིགས་པ་མེད་པ་ཡིན་ནོ།། ཤཱ་ར་དྭ་ཏིའི་བུ་འདི་ལྟ་སྟེ། དཔེར་ན། ནོར་བུ་རིན་པོ།
55b3 ཆེ་བྱི་དོར་བྱས་ཏེ། འོད་གསལ་བ་ནི་དགའ་བ་ཡང་དག་པར་སྐྱེད་པ་ཡིན་ནོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་ཡུན་རིང་དུ་སྤྱད་པ་ཆོས་བསྟན་པ་རྣམས་ལ་འཇིགས་པ་མེད་པ
55b4 ཡང་སེམས་ཅན་ཐམས་ཅད་ཀྱི་དགའ་བ་ཡང་དག་པར་སྐྱེད་པ་ཡིན་ནོ།། ཤཱ་ར་དྭ་ཏིའི་བུ་འདི་ལྟ་སྟེ། དཔེར་ན། ནོར་བུ་རིན་པོ་ཆེ་ནི་ཆུང་ངུ་ཡང་ཁྱད་དུ་མི་གསད་དོ།། དེ་ཅིའི
55b5 ཕྱིར་ཞེ་ན། དེ་ཆུང་ངུ་ཟིན་ཀྱང་གནས་ཁང་ངམ། ཁྱིམ་འམ། ཁང་པར་བཅུག་ན། དེ་ཐམས་ཅད་སྣང་བར་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་ལས་དང་པོ་པ་ལ
55b6 ཡང་བརྙས་པར་མི་བྱའོ།། དེ་ཅིའི་ཕྱིར་ཞེ་ན། དེ་བྱང་ཆུབ་ཐོབ་ནས། སངས་རྒྱས་ཀྱི་འོད་ཀྱིས་སངས་རྒྱས་ཀྱི་ཞིང་ཐམས་ཅད་རྒྱས་པར་འགེངས་པར་འགྱུར་བའི་ཕྱིར་རོ།། ཤཱ་ར་དྭ་ཏིའི་བུ་འདི
55b7 ལྟ་སྟེ། དཔེར་ན། ནོར་བུ་རིན་པོ་ཆེ་གང་དག་རིན་ཐང་མེད་པ་དེ་དག་ནི་ཡང་མ་དཔྱད་པ་ཡིན་ནོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་གང་དག་ཕྱིར་མི་ལྡོག་པར་འགྱུར་བ་དེ་དག་ང་རྒྱལ
iiif viewer powered by OpenSeadragon
