| e-texts navigator |
| Wylie |
52b1 བཅོམ་ལྡན་འདས་དེ་ནི་པ་ལགས་སོ།། བཅོམ་ལྡན་འདས་ཀྱི་བཀའ་སྩལ་པ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་ལས་དང་པོ་ཡང་དེ་བཞིན་གཤེགས་པའི་སེང་གེའི་སྒྲ་ཟོས་ནས། མི་སྲ
52b2 མི་དངང་དངང་བར་མི་འགྱུར་རོ།། སེམས་ཅན་གྱི་སྤྱོད་པ་ཚད་མེད་ཐོས་ནས་ཀྱང་འཇིགས་པར་མི་འགྱུར་རོ།། ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན། མེའི་སྣང་བ་ཆུང་ངུ་ཡང་། ཤིང་དང་རྩཝ་ཐམས
52b3 ཅད་ཀྱིས་མི་སྐྲག་སྟེ། དེ་འདི་སྙམ་དུ་ཚིག་པར་བྱེད་མི་ནུས་སོ་སྙམ་དུ་མི་སེམས་སོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་ལས་དང་པོ་པའི་ཤེས་རབ་ཀྱི་སྣང་བ་ཆུང་ངུ་ཡང་། སེམས
52b4 ཅན་ཐམས་ཅད་ཀྱི་ཉོན་མོངས་པ་རྣམས་ཀྱིས་མི་སྐྲག་སྟེ། དེ་འདི་སྙམ་དུ་བདག་གིས་ཉོན་མོངས་པ་ཞི་བར་བྱེད་མི་ནུས་སོ་སྙམ་དུ་མི་སེམས་ཀྱི། སེམས་ཅན་ཐམས་ཅད་ཀྱི་ཉོན་མོངས་པ
52b5 དེ་ཉིད་ལ་ཚུལ་བཞིན་དུ་ངེས་པར་རྟགས་ནས། ཤེས་རབ་ཀྱི་རྒྱུར་འགྱུར་རོ།། ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན། ཡོངས་སུ་བརྟག་པ་ཉེ་བར་བཟུང་སྟེ། མེ་དང་། རྩཝ་དང་། ཤིང་དང་། ལོ
52b6 མ་དང་། ཡལ་ག་ཐམས་ཅད་འཐབ་ཅིང་རྩོད་པ་ཆེན་པོ་བྱ་བར་བརྩམས་ཏེ། ཉི་མ་བདུན་ན་གཡུལ་ཆེན་པོ་འགྱེད་དོ་སྙམ་ནས། དེ་ན་རྦ་དང་ཤིང་དེ་དག་གིས་དེ་ལས་གཞན་པའི་རྩཝ་དང་ཤིང་ཐམས་ཅད
52b7 བསྡུས་ཏེ། ངེས་ཀྱི་དཔུང་གྱིས་ཤིག། ངེད་ཀྱི་གྲོགས་ཀྱིས་ཤིག་ཅེས་བྱས་ནས། དེ་ན་རྩཝ་དང་ཤིང་གི་ཕུང་པོ་རི་རབ་ཙམ་བསྡུས་པར་གྱུར་ལ། དེ་ནས་འགའ་ཞིག་མ་དེའི་གན་དུ་སོང་སྟེ། འདི
iiif viewer powered by OpenSeadragon
