| e-texts navigator |
| Wylie |
52a1 མ་ཐག་ཏུ་སྔགས་ཀྱི་རིགས་པའི་སྟོབས་ཀྱིས་ཞགས་པའི་བཅིང་བ་ཐམས་ཅད་བཅད་ནས། གར་དགའ་བ་དེར་འགྲོའོ།། བློ་གྲོས་རྒྱ་མཚོ་དེ་བཞིན་དུ་ཐབས་ལ་མཁས
52a2 པའི་བྱང་ཆུབ་སེམས་དཔའ་ཡང་། སེམས་ཅན་ཐམས་ཅད་ཀྱི་བསམ་པ་ལ་ཞུགས་ནས། ཤེས་རབ་ཀྱིས་ཕ་རོལ་ཏུ་ཕྱིན་པའི་སྔགས་ཀྱིས་རིག་པའི་སྟོབས་ཀྱིས་སེམས་ཅན་དེ་དག་ཐམས་ཅད
52a3 ཀྱི་ཉོན་མོངས་པའི་འཆི་བ་ཐམས་ཅད་གཅོད་དེ། སངས་རྒྱས་ཀྱིས་ཡེ་ཤེས་དེ་ལ་མ་རེག་ཀྱང་སངས་རྒྱས་ཀྱིས་མཛད་པས། སེམས་ཅན་རྣམས་ལ་ཉེ་བར་གནས་པ་ཡིན་ནོ།།
52a4 དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ཙམ་དུ་སེམས་ཅན་གྱི་སྤྱོད་པ་ཚད་མ་མཆིས་པ་དང་། ཇི་ཙམ་དུ་སངས
52a5 རྒྱས་ཀྱི་མཁྱེན་པ་བསམ་གྱིས་མི་ཁྱབ་པ་ངོ་མཚར་ཏོ།། བཅོམ་ལྡན་འདས་གང་གི་ཚེ། བྱང་ཆུབ་སེམས་དཔའ་ལས་དང་པོ་པས། སེམས་ཅན་གྱི་སྤྱོད་པ་ཚད་མ་མཆིས་པ་དང་། སངས་རྒྱས་ཀྱི་མཁྱེན
52a6 པ་ཚད་མ་མཆིས་པ་འདི་དག་ཐོས་ནས་ནི་མི་སྐྲག་མི་དངང་དངང་བར་མི་འགྱུར་བ་འདི་ནི། བདག་ལ་ཤིན་ཏུ་ངོ་མཚར་དུ་འདའོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ
52a7 ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སང་གེའི་ཕྲུག་གུ་སེང་གེའི་སྒྲ་ཟོས་ནས་སྐྲག་པ་འམ་དངང་བ་འམ། ཀུན་ཏུ་དངང་བར་འགྱུར་རམ། གསོལ་པ།
iiif viewer powered by OpenSeadragon
