| e-texts navigator |
| Wylie |
43a1 པ། ཟླ་གྲོས་རྒྱ་མཆོག་ཏིད་མི་དམིགས་པའི་ཕྱིར་རོ།། གསོལ་པ། བཅོམ་ལྡན་འདས་ཏིང་ངེ་འཛིན་འདི་ནི་བལྟ་དཀའ་བ་ལགས་སོ།། བཀའ་སྩལ་པ་གཉིས་དང་།
43a2 བྲལ་བའི་ཕྱིར་རོ།། གསོལ་པ། བཅོམ་ལྡན་འདས་ཏིང་ངེ་འཛིན་འདི་ནི་རྟོགས་པར་དཀའ་བ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ང་རྒྱལ་གྱིས་ལྷག་པར་བྱེད་པ་ལྷག་པར་མི་བྱེད་པའི
43a3 ཕྱིར་རོ།། གསོལ་པ། བཅོམ་ལྡན་འདས་ཏིང་ངེ་འཛིན་འདི་ནི་རྣམ་པར་འཚལ་བར་དཀའ་བ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ་། རྣམ་པར་ཤེས་པ་དང་། ཡེ་ཤེས
43a4 མཉམ་པ་ཉིད་དུ་རྟོགས་པའི་ཕྱིར་རོ།། གསོལ་པ། བཅོམ་ལྡན་འདས་ཏིང་ངེ་འཛིན་འདི་ནི་གསལ་བ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། སྒྲིབ་པ་མེད་པའི་རྣམ་པར་ཐར་པ།
43a5 རབ་ཏུ་ཐོབ་པའི་ཕྱིར་རོ།། གསོལ་པ། བཅོམ་ལྡན་འདས་འདི་ནི་ཏིང་ངེ་འཛིན་ཤིན་ཏུ་ཕྲ་བ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། དཔེ་རྣམ་པར་བཞག་པ་དང་བྲལ་བའི་ཕྱིར་རོ།
43a6 གསོལ་པ། བཅོམ་ལྡན་འདས་ཏིང་ངེ་འཛིན་འདི་ནི་སྙིང་པོ་ལགས་སོ།། བཅོམ་ལྡན་འདས་ཀྱིས་བཀའ་སྤྲུལ་པ། རྡོ་རྗེ་ལྟ་བུའི་ཡེ་ཤེས་རབ་ཏུ་ཐོབ་པའི་ཕྱིར་རོ།། གསོལ་པ། བཅོམ་ལྡན
43a7 འདས་ཏིང་ངེ་འཛིན་འདི་ནི་དབྱེར་མ་མཆིས་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། སྔོན་གྱི་མཐའ་དང་ཕྱི་མའི་མཐའ་དབྱེར་མེད་པའི་ཕྱིར་རོ།། གསོལ་པ། བཅོམ་ལྡན་འདས
iiif viewer powered by OpenSeadragon
