| e-texts navigator |
| Wylie |
42a1 ཀུན་ནའང་ཉི་བཞིན་ལྗང་།། རྒྱལ་བའི་ཡེ་ཤེས་བླ་ན་མེད་པའི་བྱང་ཆུབ་རེག། ཤིང་གི་དྲུང་དུ་ཤུགས་བརྒྱད་བསམ་དུ་མེད་ཐོབ་ནས།། དེ་དག་གིས་ནི་ཞིང་བརྒྱ་དག་ན་འགྲོ་དན་བྱེས།
42a2 སངས་རྒྱས་མི་འཇིགས་བྱིན་ཞིང་འགྲོ་བའི་དཔའ་བོ་དེ།། བདུད་རྣམས་བཏུལ་བ་བྱས་ནས་བྱང་ཆུབ་མཆོག་ལ་རེག། རྒྱལ་བའི་ཕྱག་རྒྱ་སྤུངས་པ་ཐོབ་པར་གྱུར་ནས་ནི།། ཡོན་ཏན་འདི་འདྲ་དེ་ཀུན་བསམ་གྱིས
42a3 མི་ཁྱབ་འགྱུར།། དེ་ལྟ་བས་ན་མི་གང་ཡོན་ཏན་འཕྲེང་འདོད་པ།། དེ་མྱུར་བྱང་ཆུབ་སེམས་ལ་བརྩོན་འགྲུས་བརྟན་པ་སྐྱེད། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ
42a4 ཆེན་པོ་བློ་གྲོས་རྒྱ་མཚོ་ལ་བཀའ་སྩལ་པ། བློ་གྲོས་རྒྱ་མཚོ་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་དཀར་བ་དྲི་མ་མེད་པའི་ཕྱག་རྒྱའི་ཏིང་ངེ་འཛིན་འདི་ཐོབ་པར་འདོད་པས། རྙོག
42a5 པ་མེད་པའི་སེམས་དང་། འཁྲུག་པ་མེད་པའི་སེམས་ཀྱིས་ཤིན་ཏུ་དཀར་ཞིང་དྲི་མ་མེད་པའི་བློ་དང་ལྡན་པར་བྱའོ།། དེ་ལ་རྙོག་པ་མེད་པའི་སེམས་དེ་ནི་གང་སེམས་རང་བཞིན་གྱིས་འོད་གསལ་བ་ལ་གློ་བུར་གྱི་ཉོན
42a6 མོངས་པ་རྣམས་ཀྱི་སྐབས་མེད་པ་དང་། འོད་གསལ་བའི་ཆོས་མི་འགྱུར་བ་ཉིད་དང་། ཡིད་ལ་བྱེད་པ་ཐམས་ཅད་ཀུན་ཏུ་མི་འབྱུང་བ་དང་། འདོད་ཆགས་དང་བྲལ་ཏེ་རྡུལ་མེད་པ་དང་། ཞེ་སྡང་དང་བྲལ་ཏེ་རྟོག་པ
42a7 མེད་པ་དང་། གཏི་མུག་དང་བྲལ་ཏེ་མུན་པ་མེད་པ་དང་། དག་པ་དང་། རྣམ་པར་དག་པ་དང་། ཤིན་ཏུ་དྲི་མ་མེད་པ་དང་། རྣམ་པར་གྲོལ་བ་ལས་བྱུང་བ་དང་། རྣམ་པར་གྲོལ་བ་ཇི་ལྟ་བུར་ཆོས
iiif viewer powered by OpenSeadragon
