| e-texts navigator |
| Wylie |
41b1 བ་འགོག་ལ་བདེ་བར་རྟོགས་པར་བྱེད་མ་ཡིན།། ཆོས་བཅུ་དེ་དག་གང་ལ་རྟག་ཏུ་དག་གྱུར་པ།། ཁྱུ་མཆོག་དེ་ལ་ཏིང་འཛིན་འདི་ནི་མངོན་ཏུ་འགྱུར།། གང་ཚེ་འཇུག་པའི་སྤྱོད་པ་རྣམ་པར།
41b2 སྦྱངས་གྱུར་པ།། དཀར་པོའི་ལམ་རྣམས་ཀུན་གྱིས་འཕགས་ཤིང་ཡོངས་སུ་དག། ས་རྣམས་ཇི་བཞིན་ཕ་རོལ་བྱིན་པ་ཀུན་སྦྱངས་ཏེ།། དགེ་བ་རྒྱ་ཆེན་ཐམས་ཅད་ཀྱིས་ནི་མངོན་པར
41b3 འཕགས།། བསོད་ནམས་འབྲས་བུས་མཚན་ཀུན་ཤིན་ཏུ་རྣམ་པར་དག། སྤོབས་པས་ཀྱང་ནི་གཟུངས་རྣམས་མཐའ་ཐུགས་མེད་པར་འགྱུར།། མཁས་པ་རྟག་ཏུ་ཐོས་པའི
41b4 ཆོས་རྣམས་བསྒྲུབས་པར་གནས།། མཁས་པ་རྟག་ཏུ་དྲན་ལ་མཉམ་གཞག་འཁྲུལ་པ་མེད།། དེ་ལ་ཀུན་ནས་ལྡང་བ་རྣམས་དང་འཁྲུལ་པ་ནི།། ཕྲ་རབ་མཐོང་བར་མི་ནུས་སྒྲིབ
41b5 ཀུན་རྣམ་པར་དག། བྱང་ཆུབ་ཕྱོགས་ཆོས་རྒྱ་ཆེན་མཐའ་ཡས་གང་ཡིན་པ།། ཐམས་ཅད་དེ་ཡི་བག་ཡོད་པ་ལ་འདུ་བར་འགྱུར།། ཞི་གནས་མཐར་གྱུར་ལྷག་མཐོང་གིས་ནི་རྟག་ཏུ་ཤེས།།
41b6 ས་བཅུ་པ་ནི་གནོན་པར་འགྱུར་ཞིང་ཆགས་པ་མེད།། བྱང་ཆུབ་སྙིང་པོ་སྦྱང་ཕྱིར་ཤིན་ཏུ་རྫོགས་པར་སྨྲ།། དེ་ནི་མི་དགེ་ཀུན་སྤངས་དགྲ་ལས་རྒྱལ་བར་འགྱུར།། དགེ་བའི་ཆོས་རྣམས་ཀུན་གྱིས་འཕགས
41b7 པ་རི་རང་བཞིན།། དེ་ནི་བསམ་ཡས་དྲི་མེད་འོད་འདི་རབ་ཏུ་ཐོབ།། ཏིང་འཛིན་འདི་ཐོབ་མཁས་དེ་བསོད་ནམས་བྱས་ནས་ནི།། ཡོངས་སུ་དག་པའི་ཆོས་མཆོག་ཉི་ཤུ་རབ་ཏུ་ཐོབ།། དེ་དག་གིས་ནི་འགྲོ་བ
iiif viewer powered by OpenSeadragon
