| e-texts navigator |
| Wylie |
40b1 སྦེད་པར་གནས་ཤིང་རྒོད་མེད་འཐུན་པར་སྐྱེས།། མཁས་པ་བདག་གཏོང་བྱེད་ཀྱི་སྡིག་པ་བྱེད་མ་ཡིན།། རྫུ་འཕྲུལ་གྱིས་ནི་བྱེ་བ་ཕྲག་མང་ཞིང་སོང་ནས།། སེམས་ཅན་ལུས་དང་འཐུན་པར་བྱས་ཏེ་ཆོས
40b2 ཀྱང་སྟོན།། འགྲོ་བའི་གཟུགས་དང་མཚན་དང་རྟགས་ནི་ཅི་འདྲ་བ།། དེ་ཡི་ལུས་ནི་དེ་ལྟ་བུ་དང་མཚུངས་པར་འགྱུར།། དེ་ཡི་ལུས་ལས་ཤིན་ཏུ་རྣམ་དག་འོད་བྱུང་སྟེ།། དེས་ནི་ཕྱོགས་བཅུ་མ
40b3 ཡས་ཞིང་རྣམས་ཁྱབ་པར་བྱེད།། དེ་ཡི་འོད་དེ་བསོད་ནམས་གཟི་ལྡན་རེག་ན་འཇམ།། སྲོག་ཆགས་ཉོན་མོངས་གདུང་བ་ཐམས་ཅད་ཞི་བར་བྱེད།། སེམས་དམྱལ་རྣམས་ནི་སེམས་ཅན་བརྒྱ་དག
40b4 སྡུག་བསྔལ་བ།། དེ་དག་འོད་ཀྱིས་རེག་མ་ཐག་ཏུ་བདེ་བར་འགྱུར།། ལུས་དང་ཡིད་ཀྱང་དགའ་བར་འགྱུར་བ་རབ་ཏུ་ཐོབ།། དེ་ནི་སེམས་ཅན་དམྱ་ལ་ལས་རབ་ཏུ་ཐར་པའི་རྒྱུ།། འདི་དག་དང་ནི་གཞན
40b5 ཡང་ལུས་ལས་ཡོངས་སྦྱང་བ།། མཐའ་ཡས་ལས་རྣམས་ཡེ་ཤེས་ཀྱིས་ནི་རྣམ་པར་བྱ།། མཁས་པ་ཤིན་ཏུ་དུལ་བ་སངས་རྒྱས་མཛད་པ་བྱེད།། རྡུལ་བྲལ་རྣམས་ཀྱི་ལུས་ཀྱི་ལས་འདི་དེ
40b6 འདྲའོ།། དེ་དག་ཚིག་ནི་རྣམ་དག་སྨྲ་བརྙན་ཡིད་དུ་འོང་།། དེས་ནི་ལྷ་དང་ལྷ་མིན་འགྲོ་ཀུན་ཚིམ་པར་བྱེད།། དེ་སྤ་བན་འཆད་པ་དོན་མེད་མི་འགྱུར་ཏེ།། ཐེག་པ་བདུད་རྩི་འདུས་བྱས་མིན་འདིར་ངེས
40b7 པར་འབྱུང་།། ངག་ལས་ངག་གི་ཉེས་པ་དེས་མང་གང་ཡོད་པ།། དེ་དག་དེ་ཡི་བསོད་ནམས་དག་པས་ཀུན་ཏུ་ཆད།། སྐད་རྣམས་མཚུངས་ཤིང་སྒྲ་མཚུངས་གྱུར་པས་སེམས་ཅན་རྣམས།།
iiif viewer powered by OpenSeadragon
