| e-texts navigator |
| Wylie |
40a1 འགྲོ་ལ་བདེང་བྱེད།། དེ་ལུས་རྣམ་པར་དག་པ་སེམས་ཅན་མང་པོས་མཛོང་།། རྒྱལ་བའི་ཡེ་ཤེས་རྡུལ་མེད་བླ་ན་མེད་ལ་སྨོན།། དེ་མི་སྤྱོད་ལམ་རྟག་ཏུ
40a2 བསྡམས་ཏེ་འཁྲུལ་པ་མེད།། ལྷུན་གྱིས་གྲུབ་སྟེ་ཐ་མར་མི་རྟོག་རྣམ་རྟོག་མེད།། ལུས་ཀྱི་ཉེས་པ་མཐའ་ཡས་ཇི་ཙམ་གང་བརྗོད་པ།། དེ་དག་དེ་ལ་ཆད་དེ་གདོད་ནས་སྐྱེས་པ་མེད།། དེ་ལུས
40a3 མཚན་གྱིས་བརྒྱན་ཏེ་ཤིན་ཏུ་རྣམ་པར་ཕྱེ།། དེ་ཡི་རྐང་མཐིལ་འཇམ་ཞིང་བསོད་ནམས་རྣམས་ལས་བྱུང་།། དབང་པོ་ཐམས་ཅད་ཡོངས་སུ་རྫོགས་པས་ལུས་མཛེས་ཀྱང་།། མཁས་པ་གཟུག
40a4 གྱིས་རྒྱགས་པས་རློམ་སེམས་བྱེད་པ་མེད།། དམན་ཞིང་དབུལ་བས་སྡུག་བསྔལ་སེམས་ཅན་མང་པོ་གང་།། དེ་དག་ལ་ཡང་གུས་བཅས་འདུད་ཅིང་རབ་ཏུ་འདུད།། བདག་ནི་ཆོས་འཛིན་གྱུར་ཅིག་སྙམ་སྟེང
40a5 རྒྱལ་མེད།། ཆོས་མཉན་དེས་ནི་བྱང་ཆུབ་དམ་པ་ཐོབ་པར་འགྱུར།། དེ་ཡིས་རང་གི་ལུས་ཀྱི་ཆོས་ཉིད་ཤེས་ནས་ནི།། དེ་ཡིས་སེམས་ཅན་ཀུན་ལུས་དེ་ལྟར་རྟོགས་པས་ན།། དེ་ནི་ཆོས་ལུས་རྡུལ་དང་བྲལ་བ
40a6 ཐོབ་གྱུར་ཏེ།། ཟང་ཟིང་ལུས་མིན་ཉོན་མོངས་རྣམས་ལས་ཤིན་ཏུ་གྲོལ།། རྟག་ཏུ་ཏིང་འཛིན་སྤྱོད་ཡུལ་བསམ་གཏན་ཟས་ཅན་འགྱུར།། གཟི་བརྗིད་ཆེན་པོ་ལ་ནི་ཟང་ཟིང་ལུས་མི་སྲིད།། སེམས་ཅན
40a7 དོན་དུ་ཁ་ཟས་ཟ་ཡི་སྟོབས་ཕྱིར་མིན།། འཆི་མེད་དོན་ཏུ་དེ་ནི་ཆོས་ཀྱི་སྲོག་ཀྱང་འཚེ།། འཕགས་པའི་ཚུལ་ནི་རྟག་སྲུང་ཤིན་ཏུ་རབ་ཏུ་ཞི།། འདོད་ཆགས་ཞེ་སྡང་མུན་ཚོགས་ཤིན་ཏུ་རྣམ་པར་ཕྱེ།། བསླབ་པ
iiif viewer powered by OpenSeadragon
