| e-texts navigator |
| Wylie |
39b1 བཙུན་བཞུགས་པའི་སངས་རྒྱས་བཅོམ་ལྡན་འདས་རྣམས་ཞལ་སྟོན་ཅིང་མི་འཇིགས་པས་དབུགས་འབྱིན་པར་མཛད་དེ་དེད་དཔོན་ཆེན་པོ་རྒྱལ་བར་གྱུར་ཅིག་ཅེས་གསུང་བརྗོད་པར་འགྱུར་བ་དང
39b2 སེམས་ཀྱི་སྐད་ཅིག་གཅིག་ལ་སངས་རྒྱས་ཀྱི་ཆོས་ཐམས་ཅད་ཆུབ་པར་འགྱུར་བ་སྟེ། བློ་གྲོས་རྒྱ་མཚོ་ཤིན་ཏུ་དཀར་བ་དྲི་མ་མེད་པའི་ཕྱག་རྒྱའི་ཏིང་ངེ་འཛིན་ཐོབ་མ་ཐག་ཏུ་ཤུགས་ཆེན་པོ་མ་འདྲེས
39b3 པ་བརྒྱད་པོ་དེ་དག་འབྱུང་བར་འགྱུར་རོ།། འདི་ལྟར་ཏིང་ངེ་འཛིན་འདིའི་མཐུས་འདིར་ཡོན་ཏན་གྱི་རྒྱུ་དཔག་ཏུ་མེད་པར་ཡང་ཀུན་ཏུ་སྣང་ངོ་།། དེ་ནས་དེའི་ཚེ་བཅོམ་ལྡན་འདས་ཀྱིས
39b4 ཚིགས་སུ་བཅད་པ་འདི་དག་གསུངས་སོ།། ཆོས་འདི་དྲི་མེད་དག་དགེ་རང་བཞིན་འོད་གསལ་ཏེ།། ནམ་མཁའ་མཚུངས་ཤིང་མཉམ་ལ་འདོད་ནས་བྱུང་བ་མེད།། མ་སྐྱེས་མ་བྱུང་གནས་པ་མེད་ཅིག
39b5 འགགས་པ་མེད།། འདི་ནི་རྒྱལ་བའི་ཕྱག་རྒྱ་དྲི་མེད་གཡོ་བ་མེད།། དེ་ཡི་རྩ་བའི་གནས་ནི་དབྱེ་བ་མེད་པའི་གཟུངས།། བྱམས་པ་དང་ནི་སྙིང་རྗེ་སྒོམ་པ་ཟུང་དུ་འབྲེལ།། དེ་ནས་འགྲོ་བ་ཀུན་གྱིས
39b6 བཀུར་ཀྱང་དགའ་བ་མེད།། བསྟིང་སྟང་མ་བྱས་ཡི་ཚད་མེད་དེ་མཉམ་པའི་བློ།། དེ་ནི་མཉམ་པའི་ཆོས་ལས་ཡེ་ཤེས་སྐྱེས་གྱུར་ནས།། གཏི་མུག་མུན་པ་ཐམས་ཅད་བཅོམ་སྟེ་རྨོངས་པ་མེད།།
39b7 ཡེ་ཤེས་ལྡན་པ་ཡིན་གྱི་ང་རྒྱལ་ལྡན་མ་ཡིན།། ངེས་བསམ་མཉམ་ཆོས་ཤེས་ནས་ཤིན་ཏུ་རྣམ་པར་དག། མཁས་པ་ལུས་ངག་ཡིད་ཀྱི་ལས་ནི་གང་བྱེད་པ།། ཐམས་ཅད་ཤེས་པས་བྱས་ཏེ།
iiif viewer powered by OpenSeadragon
