| e-texts navigator |
| Wylie |
37b1 སྤོབས་པ་རབ་ཏུ་ཐོབ་པའི་སྤྱོད་པ་ཤིན་ཏུ་དཀར་བ་ཡིན། འཁྲུལ་པ་དང་། སྒྲིབ་པ་དང་། ཆོད་པ་དང་། ཀུན་ནས་ལྡང་བ་ཐམས་ཅད་དང་བྲལ་བ་ཡོངས་སུ་དག་པས་དྲན་པ་དང་། ཏིང་ངེ་འཛིན
37b2 དང་། གཡེང་བ་མེད་པའི་ཤེས་པ་ཤིན་ཏུ་དཀར་བ་ཡིན། བག་ཡོད་པ་ཡོངས་སུ་དག་པས་བྱང་ཆུབ་ཀྱི་ཕྱོགས་ཀྱི་ཆོས་ཤེས་པ་ཤིན་ཏུ་དཀར་བ་ཡིན། སེམས་དང་། ཡིད་དང་། རྣམ་པར
37b3 ཤེས་པ་ཡོངས་སུ་དག་པས། ཞི་གནས་དང་ལྷག་མཐོང་ཤེས་ཤིན་ཏུ་དཀར་བ་ཡིན། ཕྱོགས་དང་མི་མཐུན་པའི་ཕྱོགས་དང་། རྒྱུན་ཆད་པ་དང་། ཆགས་པ་ལས་ཤིན་ཏུ་འདས་པ་ཡོངས
37b4 སུ་དག་པས་ས་བཅུ་གནོན་པའི་ཡེ་ཤེས་ཤིན་ཏུ་དཀར་བ་ཡིན། མི་དགེ་བའི་ཆོས་ཐམས་ཅད་སྤང་བའི་ཕྱིར། དགེ་བའི་ཆོས་ཐམས་ཅད་ཡོངས་སུ་དག་པས། བྱང་ཆུབ་ཀྱི་སྙིང་པོའི་རྒྱན་གྱི
37b5 ཡེ་ཤེས་ཤིན་ཏུ་དཀར་བ་ཡིན་ཏེ། བློ་གྲོས་རྒྱ་མཚོ་ཆོས་བཅུ་པོ་དེ་དག་ཤིན་ཏུ་དཀར་བ་ཡིན་པའི་ཕྱིར་ཏིང་ངེ་འཛིན་འདི་ཤིན་ཏུ་དཀར་བ་ཞེས་བྱའོ།། །། བམ་པོ
37b6 གསུམ་པ།། བློ་གྲོས་རྒྱ་མཚོ་ཅིའི་ཕྱིར་དྲི་མ་མེད་པའི་ཕྱག་རྒྱ་ཞེས་བྱ་ཞེ་ན། བློ་གྲོས་རྒྱ་མཚོ་ཉི་ཤུ་པོ་འདི་དག་ནི་དྲི་མ་མེད་པའི་ཕྱག་རྒྱའི་སྒོ་ཡིན་ཏེ། དེ་དག་གིས་ན་ཏིང་ངེ་འཛིན།།
37b7 འདི་དྲི་མ་མེད་པའི་ཕྱག་རྒྱ་ཞེས་བྱའོ།། ཉི་ཤུ་པོ་དེ་དག་གང་ཞེན་འདི་ལྟ་སྟེ། ངར་འཛིན་པ་ཡོངས་སུ་དག་པས་ནང་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། ང་ཡིར་འཛིན
iiif viewer powered by OpenSeadragon
