| e-texts navigator |
| Wylie |
32a1 དོན་གྱི་དོན་རྣམས་མཐོང་།། རློན་དོན་གྱི་རྗེས་སུ་ཞུགས།། སྐད་ནི་སྐད་མེད་ཁོང་དུ་ཆུང་།། སྒྲ་རྣམས་ཀུན་ལ་སྔོན་མཐའ་དང་།། ཕྱི་མའི་མཐའ་མར་ཡོངས་སུ་གཅོད།
32a2 དོན་དང་ཚིག་འབྲུ་རྣམས་ལ་མཁས།། ཆོས་རྣམས་གཉིས་སུ་མེད་པར་རྟོགས།། བརྗོད་དུ་མེད་པའི་དོན་ལ་ནི།། འདི་ཉིད་ཡང་དག་ཁོང་དུ་ཆུད།། སྐྱེ་བ་མེད་པར་སྡུག་བསྔལ་ཤེས།། ཀུན
32a3 འབྱུང་བ་ལ་མཉམ་པའི་བློ།། འགོག་པ་ཤེས་པ་ཟད་པར་བསྟན།། ལམ་ཤེས་པ་ནི་འདུས་མ་བྱས།། ལུས་དང་ཚོར་བ་སེམས་དང་ནི།། ཆོས་ལ་ཆོས་སུ་རྗེས་སུ་རྟོགས།། དྲན་མེད་ཡིད་ལ།
32a4 བྱེད་མེད་པའི།། དྲན་པ་ཉེ་བར་གཞག་པ་སྟོན།། ཆོས་ཀྱི་དབྱིངས་ནི་དབྱིངས་མིན་པར།། ཡང་དག་ཉིད་ནི་མཉམ་པས་མཉམ།། སྤོང་བས་སྤང་དུ་མེད་པ་ནི།། ཡང་དག་སྤོང་བ་རབ་ཏུ་བརྟན།། །
32a5 སེམས་ལ་དབང་ནི་ཐོབ་པ་ཡི།། རྫུ་འཕྲུལ་རྐང་པ་རབ་ཏུ་བསྟན།། ཆགས་པ་ཀུན་ལས་རབ་འདས་པ།། དེ་ནི་དད་པའི་དབང་པོ་ཡིན།། ཆོས་རྣམས་ཐམས་ཅད་རྣམ་དབེན་པ།།
32a6 དེ་ནི་བརྩོན་འགྲུས་དབང་པོ་ཡིན།། དྲན་པ་མེད་པའི་དྲན་འཇུག་པ།། དེ་ནི་དྲན་པའི་དབང་པོ་ཡིན།། ཆོས་རྣམས་ཡིད་ལ་མི་བྱེད་པ།། དེ་ནི་ཏིང་འཛིན་དབང་པོ་ཡིན།། སྤྲོས་ལས་ཤིན་ཏུ
32a7 རབ་འདས་པ།། དེ་ནི་ཤེས་རབ་དབང་པོ་ཡིན།། ཡང་དག་ཉིད་ནི་རྟོགས་ནས་དེ།། གཞན་གྱི་དད་པས་འགྲོ་མ་ཡིན།། སེམས་ནི་གཡོ་བ་ཡོད་མིན་པ།། དད་པའི་སྟོབས་ནི་འདི་འདྲའོ།།
iiif viewer powered by OpenSeadragon
