| e-texts navigator |
| Wylie |
31b1 བརྟེན་པའི་ཆོས་རྣམས་ཁོང་དུ་ཆུད།། ཤེས་རབ་ལྡན་དེ་རྗེས་འཐུན་བྱེད།། མཐར་ལྟ་བ་ནི་མི་འཛིན་ཏོ།། རྟག་པ་དང་ནི་ཆད་པ་ལ།། བློ་ནི་ཐོགས་པ་ཡོད་མ་ཡིན།། ཡང་དག་མཐའ་ནི་བསམ་ལས།
31b2 པའི།། དབུ་མའི་མཐའ་ནི་རྟོགས་པར་འགྱུར།། བདག་གི་མཐའ་ཡི་རང་བཞིན་གྱིས།། ཆོས་རྣམས་བདག་མེད་ངོ་བོ་འདི།། ཆོས་ཀུན་དེ་ཡི་རང་བཞིན་ཏེ།། གནོད་ནས་མ་སྐྱེས་འགག་པ་མེད།།
31b3 སྐྱེས་པ་མེད་ཅིང་འབྱུང་བ་མེད།། སྟོང་པ་གཟུང་མེད་དྲི་མ་མེད།། མཚན་མ་མེད་ཅིང་སྤྲོས་པ་མེད།། ནམ་མཁའ་དང་ནི་མཚུངས་ཤིང་འདྲ།། དེ་དག་སེམས་ཀྱི་མི་སྨོན་པར།། འདོད་ཅིང་ཆགས།།
31b4 པ་མེད་པར་སྤངས།། གཟུགས་ཀྱི་རང་བཞིན་མངོན་སུམ་དུ།། ལྦུ་བ་ལྟ་བུར་རབ་ཏུ་ཤེས།། ཚོར་བ་ཆུ་བུར་འདྲ་བ་སྟེ།། འདུ་ཤེས་སྨིག་རྒྱུའི་མཚན་ཉིད་དོ།། འདུ་བྱེད་ཆུ་ཤིང་སྙིང་པོ་འདྲ།
31b5 རྣམ་པར་ཤེས་པ་སྒྱུ་མ་འདྲ།། ཁམས་བཞི་གཡོ་བ་མེད་པ་སྟེ།། ནམ་མཁའ་མཚུངས་པའི་ཁམས་ཡིན་ནོ།། གང་དག་སྐྱེ་མཆེད་ཐམས་ཅད་ནི།། བེམས་པོ་ཕན་ཚུན་སྤྱོད་ཡུལ་ལོ།། སེམས།
31b6 ནི་ནང་ན་མ་ཡིན་ཏེ།། ཕྱི་རོལ་ཏུ་ཡང་མི་དམིགས་སོ།། ཡིད་ལའང་ང་ཡི་ཡོད་མ་ཡིན།། རྣམ་པར་ཤེས་པ་གནས་པ་མེད།། ཆོས་རྣམས་ཡིད་ལ་མི་བྱེད་དེ།། ལྷག་པར་བྱེད་པ་རྣམ་པར་སྤོང་།།
31b7 ཆོས་རྣམས་ཐམས་ཅད་མཉམ་ཉིད་དུ།། ཡང་དག་ཉིད་དུ་ཁོང་དུ་ཆུད།། ཐ་དད་མེད་ཅིང་རོ་གཅིག་སྟེ།། གཅིག་པུ་འགྲོད་ལམ་མཉམ་པ་ཉིད།། ལམ་གྱི་ཤེས་པ་རབ་ཏུ་རྟོགས།། ངེས་པའི
iiif viewer powered by OpenSeadragon
