| e-texts navigator |
| Wylie |
24b1 གི་དོན་ཏུ། བདག་གིས་གོ་ཆ་ཆེན་པོ་བགོས་ཏེ། འདི་ལྟར་སེམས་ངེས་པར་སེམས་སུ་གཞུག་གོ་སྙམ་པ་འདི་དག་ནི་བསམ་གཏན་གྱི་ཕ་རོལ་ཏུ་ཕྱིན་པའོ།། གཞན་ཡང་དེ་འདི་སྙམ
24b2 དུ་སེམས་ཏེ། སེམས་ཅན་འདི་ནི་ཤེས་རབ་འཆལ་པ། བདག་ཏུ་སྨྲ་བ། སེམས་ཅན་དུ་ལྟ་བར་དམིགས་པའི་སྤྱོད་ཡུལ་བ་སྟེ། དེ་ནི་བདག་ལག་ཤི་ཞིང་བསྡིགས་པའོ།། བདག་ནི
24b3 ཆོས་ཉིད་ལ་བསྟེན་པར་བྱའོ་སྙམ་སྟེ། འདི་ལ་གཤེ་བ་དང་། ཁྲོ་བ་སུ་ཡིན་ཞེས་དེས་ཡོངས་སུ་ཚོལ་བ་ན་གང་གཤི་བ་དང་ཁྲོ་བའི་ཆོས་དེ་མི་དམིགས་སོ།། དེ་བདག་དང་གཞན་མི་དམིག
24b4 པར་ལྟ་བ་དང་བྲལ་བར་བཟོད་པ་འདི་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ།། བློ་གྲོས་རྒྱ་མཚོ་དེ་ལྟར་ན་ཐབས་ལ་མཁས་པའི་བྱང་ཆུབ་སེམས་དཔའ་ངན་དུ་རྗོད་པ་དང་། ངན་དུ་སྨྲས
24b5 པའི་ཚིག་གི་ལམ་དང་། གཤེ་བ་དང་། བསྡིགས་པ་དག་ཕ་རོལ་ལས་ཐོས་ནས་ཕ་རོལ་ཏུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་ཞིང་ཐེག་པ་ཆེན་པོ་དེ་ལས་ཀྱང་མི་ཉམས
24b6 ཏེ་འདི་ནི་བྱང་ཆུབ་སེམས་དཔའི་ངག་གི་གནོད་པ་བཟོད་པའོ།། བློ་གྲོས་རྒྱ་མཚོ་དེ་ལ་བྱང་ཆུབ་སེམས་དཔའི་སེམས་ཀྱི་གནོད་པ་བཟོད་པ་གང་ཞེ་ན། གང་བདུད་ཐམས་ཅད་ཀྱིས་བྱང་ཆུབ
24b7 ཀྱི་སེམས་དེ་ལས་ཕྲལ་ཡང་མི་གཡོ་བ་དང་། ཕས་ཀྱི་རྒོལ་བ་དམིགས་པར་ལྟ་བ་ལ་མངོན་པར་ཞེན་པ་ཐམས་ཅད་ཀྱིས་ཡང་དག་པའི་བསམ་པར་ཞུགས་པ་ཐམས་ཅད་མཁྱེན་པའི
iiif viewer powered by OpenSeadragon
