| e-texts navigator |
| Wylie |
19b1 ལྷ་མི་བྱེད།། འདུས་བྱས་ཉེས་པ་དག་ཀྱང་ཤིན་ཏུ་མཐོང་།། འཁོར་བས་འཇིགས་པས་སྡིག་པ་རྣམས་མི་བྱེད།། ལེགས་སྤྱོད་ཁྲམ་ཁྱེར་བས་ནི་སྐྱོ་བ་མེད།། ཞིང་རྣམས་སྦྱོང་བར་འདོད་པ།
19b2 ཉམས་པ་མེད།། ཆོས་རྣམས་ཡོངས་སུ་བཟུང་བས་ཞུམ་པ་མེད།། སེམས་ཅན་ཐར་བྱེད་རྒྱུ་ལ་འཇིགས་པ་མེད།། ཆུ་བོ་བཞི་པོ་དག་ལས་བསྒྲལ་བའི་ཕྱིར།། དེ་ནི་ཆོས་གྲུ་ཡང་དག་སྦྱོར་བར
19b3 བྱེད།། ལུས་ཅན་མྱ་ངན་འདས་ལམ་གཟུད་པའི་ཕྱིར།། དེ་ནི་སྟེགས་དང་ཟམ་པ་འཆར་བར་བྱེད།། འདམ་ལས་འདས་ཤིང་འོབས་ལས་རྒལ་ནས་ནི།། ཐང་ལ་གནས་ཤིང་དེ་དག་འཇིགས་མེད
19b4 གནས།། འཇིགས་པས་གཡེན་སྤྲོ་རྣམས་ལ་འཇིགས་མེད་སྟོན།། བདག་ཉིད་རྒལ་ནས་དེ་དག་གཞན་ཡང་སྒྲོལ།། གང་དག་ཆོས་ཚུལ་འདི་དག་རྣམ་དག་ཅིང་།། རྫོགས་པའི་བྱང་ཆུབ་སེམས
19b5 བརྟན་ཁ་ལོ་སྦྱར།། དེ་དག་བྱང་ཆུབ་སེམས་མཆོག་རྣམས་དག་སྟེ།། ཉོན་མོངས་དྲི་མས་གཞར་ཡང་གོས་མི་འགྱུར།། ཇི་སྟེ་ནམ་མཁའ་ཉོན་མོངས་བྱ་བར་ནུས།། དེ་ལ་རྗེས་ཀྱང་བསྟན་པར་ནུས
19b6 སྲིད་ཀྱི།། རང་བཞིན་འོད་གསལ་རྫོགས་པའི་བྱང་ཆུབ་སེམས།། དེ་ནི་ནམ་ཡང་ཉོན་མོངས་བྱར་མི་ནུས།། ཐམས་ཅད་མཁྱེན་པའི་སེམས་རིན་པོ་ཆེ་ཡོངས་སུ་སྦྱང་བའི་ལེའུ་སྟེ་དང་བའོ།།
19b7 བམ་པོ་གཉིས་པ།། བློ་གྲོས་རྒྱ་མཚོ་ཐམས་ཅད་མཁྱེན་པར་སེམས་བསྐྱེད་ཅིང་རིན་པོ་ཆེ་དེའི་གནོད་པ་བཟོད་པ་ནི་ཇི་ལྟ་བུ། ཐམས་ཅད་མཁྱེན་པར
iiif viewer powered by OpenSeadragon
