| e-texts navigator |
| Wylie |
169b1 སྒྲ་ཡང་དྲུང་། བྱང་ཆུབ་སེམས་དཔའ་མཁས་པ་དེ་དག་ཀུན།། མགུ་ནས་ཆེད་དུ་རྗོད་པ་ཆེད་དུ་བརྗོབ།། ཆོས་བསྟན་པ་འདི་འདྲ་འདི་ཐོས་བདག་ཅག་རྣམས།། ཚ་བ་དོན་ཡོད་རྙེད་པ་ལེགས།
169b2 པར་རྙེད།། གང་དག་འདི་འདྲ་འདི་ནི་ཐོས་གྱུར་པ།། སེམས་ཅན་དེ་དག་རྙེད་པ་ལེགས་པར་རྙེད།། གང་དག་བྱང་ཆུབ་སེམས་ནི་མི་བརྗོད་པ།། དེ་དག་དེ་བཞིན་གཤེགས་པས་ཤིན་ཏུ
169b3 བཟུང་།། ཕྱོགས་བཅུའི་སངས་རྒྱས་སྟོང་ཕྲག་བྱ་བ་རྣམས།། ཕྱག་ནི་གཡས་པ་རབ་ཏུ་བརྐྱང་མཛད་དེ།། ཡོན་ཏན་རྒྱ་མཚོའི་སྤྱི་བོར་བཞག་ནས་ནི། ཤཱཀྱ་སེང་གེས་བསྐུལ་བ་ལེགས
169b4 ཤེས་གསུང་།། ལྷ་དང་ཀླུ་དང་ལྷ་མིན་མི་འམ་ཅི།། དྲི་ཟ་གནོད་སྦྱིན་མཁའ་ལྡིང་ལྟོ་འཕྱེ་ཆེ།། བརྒྱ་བྱིན་ཚངས་པ་འཇིག་རྟེན་སྐྱོང་བ་རྣམས།། ནམ་མཁར་གནས་ཏེ་ཆེད་དུ་རྗོད
169b5 པ་བརྗོད།། ཤཱཀྱ་སེང་གེ་འདི་དང་དགེ་འདུན་དང་།། མདོ་སྡེ་འདི་འདྲ་བ་ནི་འཛིན་བྱེད་པ།། བྱང་ཆུབ་སེམས་དཔའ་དཔའ་བོ་རིང་གནས་གྱུར།། ལེགས་གསུངས་ཆོས་ནི་གཞར་ཡང
169b6 ནུབ་མ་གྱུར།། གང་དག་ཆོས་ཀྱི་ཚུལ་ནི་འདི་འཛིན་པ།། དེ་དག་ལ་ནི་བདག་ཅག་བསྙེན་བཀུར་བགྱི།། བདག་ཅག་ཐམས་ཅད་གུས་དང་བཅས་པར་ནི།། ཀུན་ཏུ་སྲུང་ཞིང་སྦ་བ་སྤྲོ་བར
169b7 བགྱིདེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་རྒྱ་མཚོ་ལ་བཀའ་སྩལ་པ། བློ་གྲོས་རྒྱ་མཚོ་ཆོས་ཀྱི་ཚུལ་ཆོས་ཀྱི་ཕྱག་རྒྱ་ཆོས་བཏུས་པ་ཆོས་རབ།
iiif viewer powered by OpenSeadragon
