| e-texts navigator |
| Wylie |
168a1 བྱ། བཅོམ་ལྡན་འདས་ཀྱིས་བཀའ་སྩལ་པ་འོད་སྲུངས་ཡོངས་སུ་བརྟག་པ་ཉེ་བར་གཟུང་སྟེ། སེམས་ཅན་དེ་དག་ཐམས་ཅད་སྔ་ཕྱི་མེད་པར་མིའི་ལུས་ཐོབ་པར་གྱུར་ལ། དེ་བཞིན།
168a2 དུ་ཇི་ལྟར་དགེ་སློང་ཀུར་དགའ་བོ་ལྟར་དྲན་པ་དང་གཟུངས་ཀྱི་སྟོབས་དང་ཡང་ལྡན་པར་གྱུར་ཀྱང་། ཀུན་དགའ་བོ་ལྟ་བུའི་སེམས་ཅན་དེ་དག་གི་དྲན་པ་དང་གཟུངས་ཀྱི་སྟོབས་དེ་ནི། བྱང་ཆུབ་སེམས
168a3 དཔའ་བློ་གྲོས་རྒྱ་མཚོའི་དྲན་པ་དང་། གཟུངས་ཀྱི་སྟོབས་བསྐྱེད་པའི་བརྒྱའི་ཆར་ཡང་ཉེ་བར་མི་འགྲོ་བ་ནས་དཔེའི་བར་དུ་ཡང་མི་བཟོད་དོ།། འོད་སྲུངས་བྱང་ཆུབ་སེམས་དཔའ་བློ་གྲོས
168a4 རྒྱ་མཚོ་ནི་ཕྱོགས་བཅུའི་སངས་རྒྱས་བཅོམ་ལྡན་འདས་ཐམས་ཅད་ཀྱིས་གསུངས་པ་འཛིན་ཏེ། དེ་བཞིན་གཤེགས་པ་གཅིག་གིས་ཆོས་བསྟན་པས།། དེ་བཞིན་གཤེགས་པ་གཉིས་ཀྱིས་ཆོས
168a5 བསྟན་པ་ལ་ཀུན་ནས་ལྡང་བའི་བྱ་བ་མི་བྱེད་དོ།། འོད་སྲུངས་འདི་ལྟ་སྟེ། དཔེར་ན། རྒྱ་མཚོ་ཆེན་པོར་ཤིང་རྟའི་སྲོག་ཤིང་ཙམ་གྱི་ཆར་པའི་རྒྱུན་འབབ་པའི་ཆུའི་རྒྱུན་གཅིག
168a6 གིས་ཆུའི་རྒྱུན་གཉིས་པ་ལ་སྒྲིབ་པ་འམ། ཀུན་ནས་ལྡང་བའི་བྱ་མི་བྱེད་དེ། ཆུའི་རྒྱུན་ཐམས་ཅད་ཀྱང་རྒྱ་མཚོ་ཆེན་པོས་བླངས་ནས་དེ་ལ་འགྲིབ་པ་འམ་གང་བ་ཡང་མེད་དོ།། འོད
168a7 སྲུངས་དེ་བཞིན་དུ་བྱང་ཆུབ་སེམས་དཔའ་བློ་གྲོས་རྒྱ་མཚོ་སངས་རྒྱས་བཅོམ་ལྡན་འདས་ཐམས་ཅད་ཀྱིས་ཆོས་བསྟན་པ་ཀུན་ཏུ་འཛིར་ཀྱང་དེ་བཞིན་གཤེགས་པ་གཅིག་གིས་ཆོས་བསྟན
iiif viewer powered by OpenSeadragon
