| e-texts navigator |
| Wylie |
163b1 ཁཱི། ཤ་མི་ཏ་ནི་ཀ་སརྦ་གྲཱ་ཧ་བན་དྷཱནཱ་ནཱ~ཾ། གྲཱྀ་ཧི་ཏཱ། སརྦ་མཱ་ར་པྲ་བཱ་ཛི་ནི། བི་མུག་ཎཱི་མཱ་ར་པཱ་ཤྭ། སྟྲི་བི་ཏཱ་དུདྷ་མུ་དྲ། ཨ་ནུད་གཏི་ཏཱ་སརྦ་པཱ་རེ། པུ་ཙ་རི་ཏ་ཀ་པད་པ་རི་ཨུད་དྷྱ། བི་ག་དྷན་ཏུ།
163b2 སརྦ་མཱ་ར་ཀརྨ་ཎི། བློ་གྲོས་རྒྱ་མཚོ་ཚིག་འདི་དག་ནི་བདུད་ཚར་གཅད་པའི་ཚིག། ཉོན་མོངས་པ་བསལེ་བའི་ཆོ་ག་སྟེ། དེ་དག་ཆོས་སྨྲ་བ་དེས་ལེགས་པར་ཁ་དོན་ཏུ་བྱས་ལ་ཆོས་ཀྱི་ཁྲི་ལ་འདུག་སྟེ།
163b3 བྱང་ཆུབ་ཀྱི་རྣམ་པས་མངོན་པར་བསྒྲུབས་པའི་བྱམས་པས། འཁོར་ཐམས་ཅད་ལ་ཁྱབ་པར་བྱས་ལ། བདག་ལ་སྨན་པར་འདུ་ཤེས་བསྐྱེད་དེ། ཆོས་ལ་སྨན་གྱི་འདུ་ཤེས་དང་། ཆོས་ཅན་པ་ལ་ནད
163b4 པའི་འདུ་ཤེས་དང་། དེ་བཞིན་གཤེགས་པ་ལ་སྐྱེས་བུ་དམ་པའི་འདུ་ཤེས་དང་། ཆོས་ཀྱི་ཚུལ་ལ་ཡུན་རིང་དུ་གནས་པའི་འདུ་ཤེས་བསྐྱེད་ལ། སྔགས་ཀྱི་ཚིག་འདི་དག་མངོན་དུ་བྱས་ཏེ། ཆོས
163b5 ཀྱི་གཏམ་བྱེད་ན། དེའི་འཁོར་ཡུག་དཔག་ཚད་བརྒྱ་ཚུན་ཆད་དུ་བདུད་དང་བདུད་ཀྱི་རིས་ཀྱི་ལྷ་རྣམས་མིག་གིས་མི་ཚོལ་བར་བྱ་བའི་ལས་ཀྱི་ཕྱིར་འོང་བར་མི་འགྱུར་རོ།། གང་དག་འོང་བ་དེ་དག་ཀྱང
163b6 བར་ཆད་བྱེད་པར་མི་ནུས་སོ།། དེ་ནས་བཅོམ་ལྡན་འདས་ལ་བདུད་སྡིག་ཅན་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་གང་བདག་བྱང་ཆུབ་སེམས་དཔའ་བློ་གྲོས་རྒྱ་མཚོས
163b7 འཇིག་རྟེན་གྱི་ཁམས་བདེ་བ་ཐམས་ཅད་ཀྱིས་བརྒྱན་པར་འཕངས་པ། སྐྱེས་བུ་དམ་པ་དེ་དག་གིས་བྱེར་གྱི་རླབས་དང་། རྫུ་འཕྲུལ་དང་ཆོ་འཕྲུལ་འདི་དག་ལ་མངོན་སུམ་དུ་གྱུར་ཏོ།། བཅོམ་ལྡན་འདས
iiif viewer powered by OpenSeadragon
