| e-texts navigator |
| Wylie |
156a1 རིམ་གྲོ་པ་ཡང་བདུད་ལས་བརྟུལ་བའི་བྱང་ཆུབ་སེམས་དཔའ་རྣམས་སོ།། བཅོམ་ལྡན་འདས་དེ་དེ་བཞི་གཤེགས་པ་བདུད་རབ་ཏུ་འཇོམས་པ་དེ་ནི་བྱང་ཆུབ་སེམས་དཔའི་གཏམ
156a2 འབའ་ཤིག་ཡང་དག་པར་རབ་ཏུ་སྟོན་ཏེ། དེ་ན་ཐེག་པ་གཞན་གྱི་མིང་ཡང་མེད་དེ། བཙུན་པ་ཤཱ་རིའི་བུ་བདེ་བ་ཐམས་ཅད་ཀྱིས་བརྒྱན་པའི་འཇིག་རྟེན་གྱི་ཁམས་དེ་ནི་དེ་འདྲ་སྟེ། དེར་འཕངས་ན་ཕྱིས་བདུད་ཀྱི
156a3 ལས་བྱེད་པར་མི་འགྱུར་གྱི། བདུད་ལས་བརྟུལ་བའི་བྱང་ཆུབ་སེམས་དཔའ་དེ་དག་དག་དང་ལྷན་ཅིག་ཏུ་བྱང་ཆུབ་ཏུ་སེམས་བསྐྱེད་ནས། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡོངས་སུ་རྫོགས་པར་འགྱུར
156a4 དེ་ནས་བདུད་སྡིག་ཅན་སྔངས་སྐྲག་འཇིགས་ཏེ། སྤུ་ཟིང་ཞེས་བྱེད་ནས་འཁོར་དེ་ནས་འགྲོ་བར་འདོད་ན་འགྲོ་མ་ནུས་ཏེ། མི་སྣང་བར་མ་གྱུར་ནསདེ་དེ་བས་ཀྱང་ཆེར
156a5 སྤངས་ཤིང་སྐྲག་སྟེ། བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་འདི་སྐད་ཅེས་གསོལ་ཏོ།། བྱང་ཆུབ་སེམས་དཔའ་བློ་གྲོས་རྒྱ་མཚོས་འཇིག་རྟེན་གྱི་ཁམས་དེར་འཕང་བར་མི་འགྱུར་བས།
156a6 བཅོམ་ལྡན་འདས་བདག་ལ་སྐྱབ་ཏུ་གསོལ། བདེ་བར་གཤེགས་པ་བདག་ལ་བསྐྱབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྡིག་ཅན་མ་འཇིགས་ཤིག། སྐྱེས་བུ་དམ་པ་འདི་ལྟ་བུ
156a7 དག་ནི། སེམས་ཅན་ལ་རྣམ་པར་འཚེ་བའི་ཕྱིར་གནས་པ་མ་ཡིན་ནོ།། སྡིག་ཅན་ཁྱོད་བྱང་ཆུབ་སེམས་དཔའ་བློ་གྲོས་རྒྱ་མཚོ་འདི་ལ་བཟོད་པ་གསོལ་ཅིག་དང་། འདི་ཉིད་ཁྱོད་ལ་སྐྱོབ་པར་འགྱུར་རོ།།
iiif viewer powered by OpenSeadragon
