| e-texts navigator |
| Wylie |
154b1 དཔའི་བདུད་ཀྱི་ལྕགས་ཀྱུ་རབ་ཏུ་གཅོད་པའི་ཆོས་ཀྱི་སྒོ་བཅུ་པའོ།། བློ་གྲོས་རྒྱ་མཚོ་བཅུ་པོ་འདི་དག་ནི་བདུད་ཀྱི་ལྕགས་ཀྱུ་རབ་ཏུ་གཅོད་པའི་ཆོས་ཀྱི་སྒྲས། བྱང་ཆུབ་སེམས་དཔའ་དེ་དག་ལ་རབ
154b2 ཏུ་སྦྱོར་ན། བདུད་ཀྱི་ལྕགས་ཀྱུ་ཐམས་ཅད་ལས་ཤིན་ཏུ་འདས་པར་འགྱུར་རོ།། བདུད་ཀྱི་ལྕགས་ཀྱུ་རབ་ཏུ་གཅོད་པའི་ཆོས་ཀྱི་རྣམ་གྲངས་འདི་བཤད་པ་ན། བདུད་ཀྱི་གནས་ཐམས་ཅད་མོག
154b3 མོག་པོར་གྱུར་ཏེ། རྣམ་པ་དྲུག་ཏུ་གསོས་སོ།། འདི་ལྟ་སྟེ། དཔེར་ན། བྱང་ཆུབ་ཀྱི་སྙིང་པོ་ལ་འདུག་པའི་བྱང་ཆུབ་སེམས་དཔའི་མཛོད་སྤུ་ནས་འོད་རབ་ཏུ་བྱུང་བས་བདུད་ཀྱི
154b4 གནས་ཐམས་ཅད་མོག་ལོག་པར་གྱུར་པ་དེ་བཞིན་དུ་དེའི་ཚེ། བདུད་ཀྱི་གནས་ཐམས་ཅད་མོག་མོག་པོར་གྱུར་ཏོ།། དེ་ནས་བདུད་སྡིག་ཅན་གྱིས་ལྷས་རྒྱ་ཆེན་པོ་འདི་མཐོང་ནས་རིངས
154b5 ཤིང་མྱུར་བར་ལ་གོར་དུ་དཔུང་གི་ཚོགས་ཡན་ལག་བཞི་པ་བསྡུས་ཏེ། བཀོད་པ་ཅི་འདྲ་བས་བྱང་ཆུབ་ཀྱི་སྙིང་པོ་ལ་འདུག་པའི་བྱང་ཆུབ་སེམས་དཔའི་གན་དུ་འགྲོ་བའི་བཀོད་པ་དེ་འདྲ་བས་དཔག
154b6 ཚད་སུམ་ཅུ་རྩ་དྲུག་ཚུན་ཆད་བདུད་ཀྱི་སྡེས་བཀང་ནས། བཅོམ་ལྡན་འདས་ཀྱི་འཁོར་དཀྱིལ་འཁོར་གྱི་ཁྱམས་ག་ལ་བ་དེར་དོང་བ་དང་། སངས་རྒྱས་ཀྱི་མཐུས་དེར་དེ་བསྒྲིམས་པར་གྱུར་ཏེཀ་འོངས
154b7 ཀྱང་དེ་བཞིན་གཤེགས་པ་དང་། གང་དག་ཕྱིར་མི་ལྡོག་པའི་བྱང་ཆུབ་སེམས་དཔའ་རྣམས་དང་། འཁོར་དེ་ལས་སེམས་ཅན་གང་དག་འདུལ་བར་གྱུར་པ་རྣམས་དང་། གང་དག་སྲིད་པར་ཀུན་ཏུ
iiif viewer powered by OpenSeadragon
