| e-texts navigator |
| Wylie |
150b1 དགེ་བའི་བཤེས་གཉེན་རྣམས་ལ་བསྟེན་ཅིང་བསྟན་ཏེ། བསྙེན་བཀུར་བགྱིད་པ་དང་། མགོ་དང་གོས་ལ་ཞུགས་འབར་བ་བཞིན་དུ་དགེ་བའི་ཆོས་ཅི་ཞེས་ཡོངས་སུ་ཆོས
150b2 བ་དང་། དགེ་བའི་ཆོས་ལ་འདུན་པ་ལ་གནས་ཏེ་ཡང་དག་པའི་བརྩོན་པ་མི་འདོར་བ་དང་། བག་མཆིས་པར་ལས་བགྱིས་པ་ཆུད་མི་བཟོན་པ་དང་། བདག
150b3 བདེ་བ་ལ་མི་ཆགས་པར་རྟག་པར་རྒྱུན་ཏུ་སེམས་ཅན་ཡོངས་སུ་སྨིན་པར་བགྱིད་པ་དང་། ལུས་དང་སྲོག་ལ་མི་ལྟ་བར་དམ་པའི་ཆོས་ཡོངས་སུ་འཛིན་པ་དང
150b4 མཚན་དང་དཔེ་བྱད་བཟང་པོ་དང་སངས་རྒྱས་ཀྱི་ཞིང་ཡོངས་སུ་སྦྱངས་པའི་སླད་དུ་བསོད་ནམས་ཀྱི་ཚོགས་སུ་ཚོལ་བས་མི་ངོམས་པ་དང་། གཟུངས་དང
150b5 སྤོབས་པ་རབ་ཏུ་ཐོབ་པར་བགྱི་བའི་སླད་དུ། ཡེ་ཤེས་ཀྱི་ཚོགས་ཡོངས་སུ་ཚོལ་བ་དང་། སོ་སོའི་སྐྱེ་བོ་ཐམས་ཅད་ཀྱི་སས་མི་གོས་པར་བགྱི་བའི་སླད་དུ། ཤེས་རབ་ཀྱི
150b6 ཕ་རོལ་ཏུ་ཕྱིན་པ་བསྒོམ་པ་དང་། ཉན་ཐོས་དང་། རང་སངས་རྒྱས་ཐམས་ཅད་ཀྱི་ས་ལས་ཤིན་ཏུ་བེ་ཟླ་བའི་སླད་དུ། ཐབས་ལ་མཁས་པ་ཡོངས་སུ་ཚོལ་བ་སྟེ། བཅོམ་ལྡན་འདས་ཆོས
150b7 བཅུ་པོ་དེ་དག་ནི། བྱང་ཆུབ་སེམས་དཔའི་ལས་ཡང་དག་ཕུལ་ལག་ཏེ། གང་དག་ལ་བྱང་ཆུབ་སེམས་དཔས་བསླབ་པར་བགྱི་བ་དེ་དེ་དག་དེ་ལ་མི་སྟོན་པ་དང་། དེ་ལ་འདི་སྐད་དུ་བྱང་ཆུབ་ནི། བྱང
iiif viewer powered by OpenSeadragon
