| e-texts navigator |
| Wylie |
149a1 དུ་ཆོས་སྟོན་ཏེ། ཟང་ཟིང་མ་མཆིས་པའི་སེམས་ཀྱིས་མ་ལགས། གང་ལས་དེའི་གོས་དང་། ཟས་དང་། མལ་ཆ་དང་། ན་བའི་གསོས་ལྡན་དང་། ཡོ་བྱཱ།
149a2 རྣམས་མཆི་བར་འགྱུར་པ་དེ་དག་ལ་ཆོས་སྟོན་གྱི། སེམས་ཅན་གང་དག་དད་པ་དང་ལྡན་ཞིང་དང་བ་མང་བ་ལེགས་པར་བཤད་པའི་དོན་འཚལ་བར་ནུས་ཤིང་སྟོབས་དང་ལྡན་པ་ཟང་ཟིང་གིས་དེ
149a3 རྗེས་སུ་འཛིན་པར་མི་བགྱིད་པ་དེ་དག་ལ་ཆོས་མི་སྟོན་པ་དང་། གང་དག་དེ་ལ་འགྱེད་པར་བགྱིད་པ་ནི་དམན་པ་དམན་པར་གྱུར་པ། གཏི་མུག་གི་རང་བཞིན་ཅན། ཆོས་རྒྱ་ཆེན་པོའི་སྣོད
149a4 དུ་མ་གྱུར་པ་དེ་དག་ལ་ཆོས་སྟོན་པ་དང་། དེ་ཟང་ཟིང་གིས་སྤགས་པའི་རྒྱུད་དེས་གང་དག་ཆོས་བསྟན་པར་བགྱི་བ་མ་ལགས་པ། སྣོད་དུ་མ་གྱུར་པ་དེ་དག་ལ་ཆོས་སྟོན་པ་དང་། གང་དག
149a5 བསྟན་པར་བགྱི་བ་དེ་དག་ལ་མི་སྟོན་པ་འདི་ནི། བཅོམ་ལྡན་འདས་བྱང་ཆུབ་སེམས་དཔའི་ཆོས་བསྟན་པ་དང་རབ་ཏུ་མི་ལྡན་པའི་བདུད་ཀྱི་ལུགས་ཀྱུ་སྟེ་བརྒྱད་པའོ།། བཅོམ་ལྡན་འདས་གཞན
149a6 ཡང་བྱང་ཆུབ་སེམས་དཔལ་འཇིག་རྟེན་རྒྱང་འཕེན་པ་ཡོངས་སུ་ཚོལ་ཏེ། དེ་གཞན་དག་ལ་ཟབ་མོའི་བཀའ་མཆིད་ཀྱི་རྒྱུན་བཀུམ་ནས། འཇིག་རྟེན་རྒྱང་འཕེན་པའི་བཀའ་མཆེད་སྣ་ཚོགས
149a7 སྟོན་ཏེ། འཇིག་རྟེན་རྒྱང་འཕེན་པའི་བཀའ་མཆིད་སྟོན་པས། འཇིག་རྟེན་དགའ་ཞིང་མངོན་པར་དགའ་བའི་ཚིག་དང་། ལན་གྱི་ཚིག་ལ་མཁས་པས། སེམས་ཅན་རྣམས་དགའ
iiif viewer powered by OpenSeadragon
