| e-texts navigator |
| Wylie |
140a1 ཆོས་ཀྱི་དོན་འདི་ཡོངས་སུ་ཐོབ་པར་བྱའོ་ཞེས་ཚིག་སྨྲས་པར་གྱུར་ན། བྱང་ཆུབ་སེམས་དཔས་དེ་ལ་ལུས་ནི་ཡོངས་སུ་གཏང་བར་བྱའི་སེམས་ཅན་སྡུ་བར་ནི་མི་བྱའོ།། བློ་གྲོས།
140a2 རྒྱ་མཚོ་ཁྱོད་ཀྱིས་རྣམ་གྲངས་འདིས་ཀྱང་འདི་ལྟར་རིག་པར་བྱའོ།། བློ་གྲོས་རྒྱ་མཚོ་སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པའི་ཡང་ཆེས་གྲངས་མེད་དཔག་ཏུ་མེད་པར་གྱུར་པ་དེར
140a3 ཚེ་དེའི་དུས་ན་སེང་གེའི་རྒྱལ་པོ་དར་དཀར་ལྟ་བུའི་རལ་པ་ཅན་ཡན་ལག་མ་སྨད་པ་ཞེས་བྱ་བ་སེམས་ཅན་ཐམས་ཅད་ལ་བྱམས་པའི་རྗེས་སུ་ཞུགས་པ། རྩཝ་དང་། ལོ་མ་དང་། མེ་ཏོག་དང་འབྲས
140a4 བུ་ལ་མོས་པ་ཞིག་རིའི་ཕུག་བགྲོད་དཀའ་བ་ཞིག་ན་གནས་སོ།། རིའི་ཕུག་བགྲོད་དཀའ་བ་དེ་ན་སྤྲེའུ་ཕོ་མོ་གཉིས་ཤིག་ཀྱང་གནས་སོ།། དེ་ནས་དུས་གཞན་ཞིག་ན་སྤྲེའུ་མོ་དེ་ལ་བུ་འབྲངས་ནས།
140a5 དེ་ལས་ཕྲུག་གུ་གཉིས་བྱུང་ངོ་།། དེ་ནས་སྤྲེའུ་དེ་དང་། སྤྲེའུ་མོ་དེས། ཕྲུག་གུ་དེ་གཉིས་རི་དགས་ཀྱི་རྒྱལ་པོ་སེང་གེ་ལ་གཏམས་ཏེ་སྤྱོད་ཡུལ་དུ་དོང་ངོ་།། དེ་ནས་བྱ་རྒོད་ཀྱི་རྒྱལ་པོ་སྤུ
140a6 གྲི་པ་ཞེས་བྱ་བ་སྟེང་གི་བར་སྣང་ལས་བབས་ཏེ། སྤྲེའུའོ་ཕྲུག་གུ་དེ་གཉིས་བླངས་ནས། སྟེང་གི་བར་སྣང་ལ་གནས་པར་གྱུར་པ་དང་། རི་དགས་ཀྱི་རྒྱལ་པོ་སེང་གེས་བྱ་རྒོད་ཀྱི་རྒྱལ་པོ་སྤུ་གྲི་པས་སྤྲེའུ
140a7 དྲུག་གུ་དེ་གཉིས་ཁྱེར་བ་མཐོང་ངོ་།། མཐོང་ནས་ཀྱང་ཚོགས་སུ་བཅད་དེ་སྨྲས་པ། བྱ་རྒོད་རྒྱལ་པོ་ཁྱོད་ལང་དག་གསོལ་པ། བདག་གི་སྤྲེའུ་དྲུག་དེ་གཉིས་ཁྱོད་ཀྱིས་མཐོང་བདག་ནི་དེ་དགེ་འཇིགས་མེད
iiif viewer powered by OpenSeadragon
