| e-texts navigator |
| Wylie |
135a1 འཁོར་ལོས་སྒྱུར་བའི་རྒྱལ་པོར་ཡང་འགྱུར་ལ། འདུ་བྱེད་ལ་མི་རྟག་པར་སོ་སོར་རྟོག་པས་ཡུལ་འབྱོར་ཀྱང་བག་མེད་པར་མི་འགྱུར་བ་རྣམས་ཡིན།
135a2 ཡོངས་སུ་སྨིན་པར་བྱ་བའི་ཕྱིར། ལྕེ་རྣམས་ཀྱི་དབང་པོ་བརྒྱ་བྱིན་དུ་ཡང་འགྱུར་ལ། འདུ་བྱེད་ལ་སྡུག་བསྔལ་བར་སོ་སོར་རྟོག་པས་ཡུལ་འབྱོར་ཀྱང་བག་མེད་པར་མི་འགྱུར་བ
135a3 རྣམས་ཡིན། བདུད་ཀྱི་རིས་ཀྱིས་ལྷ་ཡོངས་སུ་སྨིན་པར་བྱ་བའི་ཕྱིར། བདུད་ཉིད་དུ་ཉེ་བར་སྟོན་ལ། ཆོས་ལ་བདག་མེད་པར་སོ་སོར་རྟོག་པས། ཡུལ་འབྱོར་ཀྱང་གབག
135a4 ཡོད་པར་མི་འགྱུར་བ་རྣམས་ཡིན། ཚངས་རིས་ཀྱི་ལྷ་ཡོངས་སུ་སྨིན་པར་བྱ་བའི་ཕྱིར། ཚངས་པ་དབང་སྒྱུར་དུ་ཡང་གྱུར་ལ། མྱ་ངན་ལས་འདས་པ་ལ་ཞི་བར་རྟོག་པས
135a5 ཡུལ་འབྱོར་ཀྱང་། བག་མེད་པར་མི་འགྱུར་བ་རྣམས་ཡིན་ཏེ། རྒྱལ་པོ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན། ཡུལ་ཡང་འབྱོར་ལ།
135a6 བག་ཡོད་པ་ཡང་མི་འདོར་བ་རྣམས་ཡིན་ནོ།། རྒྱལ་པོ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། དོན་ཟབ་མོའི་ཚུལ་ལ་མི་སྐྲག་པ་རྣམས་ཡིན་ནོ།། བཞི་གང
135a7 ཞེ་ན། ཡང་དག་པའི་དགེ་བའི་བཤེས་གཉེན་གང་དག་ཕྱི་རོལ་ཏུ་མི་བྱེད་པར་རྒྱུན་ཏུ་སངས་རྒྱས་ཀྱི་བྱང་ཆུབ་ཟབ་མོ་འདི་ཡང་དག་པར་རབ་ཏུ་སྟོན་པ་ལ་སྟེན་པ་དང་། མདོ་སྡེ་ཟབ་མོ་ཚུལ་འདི་ལྟ
iiif viewer powered by OpenSeadragon
