| e-texts navigator |
| Wylie |
132b1 པའི་ཕྱིར། འཁོར་གྱི་ཁྱམས་ཡངས་ཤིང་ཐག་གླུ་ཆེ་བ། རྒྱུ་ཞེང་དཔག་ཚད་ལྔ་འབུམ་ཡོད་པ་ས་ཕྱོགས་ནོར་བུ་རིན་པོ་ཆེ་བེ་ཌཱུཪྻས་སྦས་པ། རིན་པོ་ཆེ་སྣ་བདུན་གྱིས་ཕྱིར་བསྐོར
132b2 བ་ཙན་དར་དམར་པོ་དང་། ཙན་དན་སྤྲུལ་གྱི་སྙིང་པོ་གཤིབས་ཏེ་སྦྱར་བ་སྣ་ཚོགས་བལྟ་ན་སྡུག་པ་ལྷའི་གཞལ་མེད་ཁང་འདྲ་བར་བྱས་སོ།། གཞན་ཡང་དགེ་སློང་གི་དགེ་འདུན
132b3 གྱིས་ཡོངས་སུ་སྤྱད་པའི་ཁང་པ་བརྩེགས་པ་ས་ཡ་བྱས་སོ།། བློ་གྲོས་རྒྱ་མཚོ་དེ་ལྟར་རྒྱལ་པོ་ཡུལ་ཤིན་ཏུ་རྣམ་པར་དག་པས་གཞན་མི་བྱེད་པར་རྒྱུན་ཏུ་ཚངས་པར་སྤྱད་པ་ཡང་དག
132b4 པར་བླངས། བསླབ་པའི་གནས་ལྔ་ཡོངས་སུ་བཟུང་སྟེ། བཙུན་མོའི་འཁོར་དང་བཅས། རང་གི་སྐྱེ་བོ་དང་བཅས། གཡོག་འཁོར་དང་བཅས་པས་བར་གྱི་བསྐལ་པ་གཉིས་སུ
132b5 བཅོམ་ལྡན་འདས་དེ་ལ་བསྙེན་བཀུར་བྱས་ནས། བར་གྱི་བསྐུལ་པ་དེ་གཉིས་འདས་པ་དང་བཅོམ་ལྡན་འདས་དེ་བཞིན་གཤེགས་པ་འོད་གཟེར་སྣང་བ་མཐའ་ཡས་པ་དེ་ག་ལ་བ་དེར
132b6 སོང་སྟེ་ཕྱིན་ནས། བཅོམ་ལྡན་འདས་དེའི་ཞབས་ལ་མགོ་འོས་ཕྱག་འཚལ་ཏེ། ལན་བདུན་དུ་བསྐོར་བ་བྱས་ནས། ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག
132b7 ནས་ཀྱང་རྒྱལ་པོ་ཡུལ་ཤིན་ཏུ་རྣམ་པར་དག་པས། བཅོམ་ལྡན་འདས་དེ་བཞིན་གཤེགས་པོ་འོད་གཟེར་སྣང་བ་མཐའ་ཡས་དེ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས
iiif viewer powered by OpenSeadragon
