| e-texts navigator |
| Wylie |
130b1 དཔའ་གང་དག་འཁོད་པ་དེ་དག་གིས། འོད་དེ་མཐོང་ནས། གང་འདི་ལྟ་བུ་རྣམ་པར་དག་པའི་འོད་བྱུང་བ་ལས་ནུ། ཀྱེ་མ་འདི་ནི་དེ་བཞིན་གཤེགས་པ་འོད་གཟེར་སྣང་བ་མཐའ་ཡས་སུ
130b2 འགྱུར་རོ་ཞེསཆེད་དུ་རྗོད་པ་ཆེད་དུ་བརྗོད་དེ། དེ་ལྟར་ན། དེ་བཞིན་གཤེགས་པ་དེའི་མཚན་འོད་གཟེར་སྣང་བ་མཐའ་ཡས་འོད་གཟེར་སྣང་བ་མཐའ་ཡས་ཤེས་བྱ་བར་གྱུར་ཏོ།།
130b3 ཅིའི་ཕྱིར་འཇིག་རྟེན་གྱི་ཁམས་དེ་ཤིན་ཏུ་སྤྲུལ་པ་ཞེས་བྱ་ཞེ་ན། འཇིག་རྟེན་གྱི་ཁམས་དེ་ན་འཁོད་པའི་མི་དེ་དག་གི་ལོངས་སྤྱོད་དང་ཡོངས་སུ་སྤྱད་པ་ནི། གཞན་འཕྲུལ་དབང
130b4 བྱེད་ཀྱི་ལྷའི་བུ་རྣམས་ཀྱི་ལོངས་སྤྱོད་དང་། ཡོངས་སུ་སྤྱད་པ་ཅི་འདྲ་བ་དེ་འདྲ་བར་གྱུར་པས། དེའི་ཕྱིར་འཇིག་རྟེན་གྱི་ཁམས་དེ་ཤིན་ཏུ་སྤྲུལ་པ་ཞེས་བྱའོ།། ཅིའི་ཕྱིར་བསྐལ་པ
130b5 དེ་སྐར་མདོག་ཅེས་བྱ་ཞེ་ན། བློ་གྲོས་རྒྱ་མཚོ་བསྐལ་པ་ཁྲི་འདས་ནས། བསྐལ་པ་དེ་ལ་སངས་རྒྱས་བྱུང་བར་གྱུར་ཏེ། དེ་བཞིན་གཤེགས་པ་སྐར་མ་ལ་དགའ་བ་ཞེས་བྱ་བ་བྱུང་ངོ་།།
130b6 གང་གིས་འོག་ཏུ་བཅོམ་ལྡན་འདས་དེ་བཞིན་གཤེགས་པ་འོད་གཟེར་སྣང་བ་མཐའ་ལས་ངེས་བྱང་ཆུབ་ཐོབ་པའི་དེ་བཞིན་གཤེགས་པ་དེའི་མཚན་གྱིས། བསྐལ་པ་དེ་སྐར
130b7 མདོག་ཅེས་བྱའོ།། བློ་གྲོས་རྒྱ་མཚོ་བསྐལ་པ་དེ་ལ་དེ་བཞིན་གཤེགས་པ་བྱེ་བ་ཕྲག་བཅུ་བཞི་བྱུང་ངོ་།། བློ་གྲོས་རྒྱ་མཚོ་འཇིག་རྟེན་གྱི་ཁམས་ཤིན་ཏུ་སྤྲུལ་པ་དེ་ནི་འབྱོར་པ
iiif viewer powered by OpenSeadragon
