| e-texts navigator |
| Wylie |
125a1 མི་འདོར་རོ།། བློ་གྲོས་རྒྱ་མཚོ་དེ་བཞིན་དུ་བྱང་ཆུབ་སེམས་དཔའ་ཡང་སེམས་ཅན་ཐམས་ཅད་ཀྱི་སེམས་རང་བཞིན་གྱིས་འོད་གསལ་བར་རབ་ཏུ་ཤེས་ལ
125a2 དེ་ཡང་བློ་བུར་གྱི་ཉེ་བའི་ཉོན་མོངས་པས། ཉོན་མོངས་པ་ཅན་དུ་བྱས་པར་མཐོང་ངོ་།། དེ་ལ་བྱང་ཆུབ་སེམས་དཔའ་འདི་སྙམ་དུ་སེམས་ཏེ། ཉོན་མོངས་པ་འདི་དག་ནི་སེམས་ཅན
125a3 རྣམས་ཀྱི་སེམས་རང་བཞིན་གྱིས་འོད་གསལ་བ་ལ་ཞུགས་མེད་ཀྱི། ཉོན་མོངས་པ་དེ་དག་ནི་ཡང་དག་པ་མ་ཡིན་པ་ཀུན་བརྟགས་པ་ལས་བྱུང་དུ་ཟད་པས། བདག་གིས་སེམས་ཅན་དེ་དག
125a4 གི་བློ་བུར་གྱི་ཉོན་མོངས་པ་སྤང་བའི་ཕྱིར་ཆོས་བསྟན་མི་ནུས་སོ་སྙམ་ནས། དེ་ཞུམ་པའི་སེམས་མི་སྐྱེད་ཀྱི་དེ་དེ་བས་ཀྱང་ཤས་ཆེར་སེམས་ཅན་ཐམས་ཅད་རབ་ཏུ་ཐར་པར་བྱ་བའི་སེམས
125a5 བསྐྱེད་པ་བསྐྱེད་དོ།། དེ་ཡང་འདི་སྙམ་དུ་སེམས་ཏེ། ཉོན་མོངས་པ་དེ་དག་ལ་ནི་སྟོབས་དང་མཐུ་ཆུང་ཟད་ཀྱང་མེད་དེ། ཉོན་མོངས་པ་དེ་དག་ནི་སྟོབས་མེད་པ་ཉམ་ཆུང་བ་དག་གོ།། དེ་དག་ནི་ཡང
125a6 དག་པ་ལ་ཆུང་ཟད་ཀྱང་མི་གནས་ཀྱིས། ཉོན་མོངས་པ་དེ་དག་ནི་ཡང་དག་པ་མ་ཡིན་པ་ཀུན་བརྟགས་པ་དག་སྟེ། དེ་དག་ལ་ཡང་དག་པ་ཇི་ལྟ་བ་བཞིན་དུ་ཚུལ་བཞིན་ཡིད་ལ་བྱེད་པས་བརྟག
125a7 ན་འཁྲུགས་པར་མ་འགྱུར་བས། བདག་གིས་དེ་དག་ལ་ཅི་ནས་ཀྱང་ཡང་འདྲེ་བར་མི་འགྱུར་བ་དེ་ལྟ་དེ་ལྟར་བརྟགས་པར་བྱའོ།། ཉོན་མོངས་པ་རྣམས་དང་མི་འདྲེ་བ་ནི་ལེགས་པ་ཡིན་གྱི་འདྲེ
iiif viewer powered by OpenSeadragon
