| e-texts navigator |
| Wylie |
122b1 འདུ་ཤེས་བསྐྱེད་ལ་ཆོས་དེ་དག་ལ་ཡང་སོ་སོར་བརྟག་པར་བྱ། ཆོས་དེ་དག་ཤེས་པ་ལ་རྣམ་པར་དཔྱད་པར་བྱ། ཞིང་ཡང་དག་པའི་མཐའ་ཡང་མངོན་དུ་མི་བྱའོ།། བློ་གྲོས་རྒྱ་མཚོ།
122b2 ལྟ་བས་ན། བྱང་ཆུབ་སེམས་དཔས་ཡོངས་སུ་བསྔོ་བ་ལ་མཁས་པར་བྱའོ།། བློ་གྲོས་རྒྱ་མཚོ་ཡོངས་སུ་བསྔོ་བ་ལ་མཁས་པའི་བྱང་ཆུབ་སེམས་དཔའ་ནི་ཆོས་ཟབ་མོ་རྣམས་ལ་ཡང
122b3 སྤྱོད་ལ། བར་སྐབས་སུ་ཡང་དག་པའི་མཐའ་མངོན་དུ་མི་བྱེད་དོ།། བློ་གྲོས་རྒྱ་མཚོ་ཡོངས་སུ་བསྔོ་བ་ཞེས་བྱ་བ་ཅི་ལ་བྱ་ཞེ་ན། འདི་ལྟ་སྟེ། ཐེག་པ་ཆེན་པོ་དེ་ཉིད་ལ་སེམས་གཞོལ
122b4 བ་དང་། འདུན་པ་དང་། མངོན་པར་ཕྱོགས་པ་དང་། ཡོངས་སུ་ཕྱོགས་པ་སྟེ། ཐེག་པ་གཞན་དུ་མ་ཡིན་པའོ།། དེའི་ཕྱིར་ཡོངས་སུ་བསྔོ་བ་ཞེས་བྱའོ།།
122b5 བློ་གྲོས་རྒྱ་མཚོ་འདི་ལྟ་སྟེ། དཔེར་ན། རྫ་མཁན་གྱིས་འཇིམ་པའི་གོང་བུ་འཁོར་ལོའི་སྟེང་དུ་བཞག་ཀྱང་མ་བསྐོར་ན་སྣོད་ཀྱི་མིང་མི་འཐོབ་སྟེ། འཇིམ་པའི་གོང་བུ་ཉིད
122b6 ཀྱི་གྲངས་སུ་འགྲོའོ།། གང་གི་ཚེ་བསྐོར་བར་གྱུར་པ་དེའི་ཚེ། སྣོད་ཀྱི་མིང་འཐོབ་བོ།། བློ་གྲོས་རྒྱ་མཚོ་དེ་བཞིན་དུ། བྱང་ཆུབ་སེམས་དཔས་དགེ་བའི་རྩ་བ་ཤིན་ཏུ་མང་པོ་བསགས
122b7 པ་ཡང་ཐམས་ཅད་མཁྱེན་པ་ཉིད་དུ་ཡོངས་སུ་མ་བསྔོས་ན། ཕ་རོལ་ཏུ་ཕྱིན་པའི་མིང་མི་འཐོབ་ཀྱི། གང་གི་ཚེ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་པར་གྱུར་པ་དེའི་ཚེ། ཕ་རོལ
iiif viewer powered by OpenSeadragon
