| e-texts navigator |
| Wylie |
121a1 ཅན་ཐམས་ཅད་རབ་ཏུ་ཐར་པར་བྱ་བའི་ཕྱིར། སྙིང་རྗེ་ཆེན་པོ་ལ་གནས་པར་བྱས་ཏེ། བདག་གིས་སེམས་ཅན་ཐམས་ཅད་ཡོངས་སུ་བསྐྱབ་པར་བྱ། ཡོངས
121a2 སུ་དགྲོལ་བར་བྱའོ་ཞེས་བྱང་ཆུབ་ཀྱི་རྣམས་པས་མངོན་པར་བསྒྲུབས་པའི་བྱམས་པས། སེམས་ཅན་ཐམས་ཅད་ལ་ཁྱད་པར་བྱས་ནས། ཟབ་པ་ཟབ་མོར་སྣང་བ་སེམས་དང་ཡིད་དང
121a3 རྣམ་པར་ཤེས་པ་མི་རྒྱུ་བའི་ཏིང་ངེ་འཛིན་ལ་སྙོམས་པར་ཞུགས་ཀྱང་དེ་སྔོན་སེམས་ཅན་རབ་ཏུ་ཐར་པར་བྱ་བའི་སྙིང་རྗེ་ཆེན་པོ་ལ་གནས་པ་དེ་དང་ལྡན་པས་ཉན་ཐོས་ཀྱི་སར་མི
121a4 ལྟུང་། རང་སངས་རྒྱས་ཀྱི་སར་མི་ལྷུང་སྟེ་དྲན་པ་དང་ཤེས་བཞིན་གྱིས་ཏིང་ངེ་འཛིན་དེ་ལས་ལངས་ནས་ཡང་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡང་དག་པར་བསྒྲུབ་ཅིང་སེམས
121a5 ཅན་རྣམས་ཀྱང་ཡོངས་སུ་སྨིན་པར་བྱེད་དོ།། བློ་གྲོས་རྒྱ་མཚོ་འདི་ལྟར་ཞི་བའི་ཏིང་ངེ་འཛིན་ལ་སྙོམས་པར་ཞུགས་ཀྱང་ཉན་ཐོས་ཀྱི་རྣམ་པར་གྲོལ་བ་འམ་རང་སངས་རྒྱས་ཀྱི་རྣམ
121a6 པར་གྲོལ་བར་མི་ལྟུང་བ། བྱང་ཆུབ་སེམས་དཔའ་རྣམས་ཀྱིས་ཡོངས་སུ་སྦྱང་བ་བྱེད་པའི་ཁྱད་པར་ལ་ལྟོས།། བློ་གྲོས་རྒྱ་མཚོ་འདི་ལྟ་སྟེ། དཔེར་ན་མི་གཉིས
121a7 ཤིག་ཡོད་ལ། དེ་ལ་མི་གཅིག་ནི་བདག་རྡོ་རྗེའི་གོ་ཆ་བགོས་ནས་མེ་འབོར་བའི་ནང་དུ་མཆོངས་མི་གཅིག་ཤོས་ནི་བདག་རྩཝ་དང་སོག་མའི་གོ་ཆ་བགོས་ནས་མེ་འབར་བའི་ནང
iiif viewer powered by OpenSeadragon
