| e-texts navigator |
| Wylie |
118b1 དེ་བཞིན་གཤེགས་པ་མར་མེ་མཛད་དེས་ང་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས
118b2 བྱ་བར་འགྱུར་རོ་ཞེས་ལུང་བསྟན་ཏོ།། ལུང་བསྟན་པའི་བསྟན་པ་དེ་ཡང་ངའི་རྣ་བའི་དབང་པོ་ལ་གྲག་པར་ཡང་མ་གྱུར་ཡེ་ཤེས་བཞིན་དུ་རིག་པར་ཡང་མ་གྱུར། ད་ཀུན་ཏུ་རྨོངས་པར་ཡང་མ་གྱུར
118b3 དམིགས་པར་ལྟ་བ་ལ་གནས་པ་ཡང་མེད། ང་སངས་རྒྱས་ལ་སངས་རྒྱས་སུ་འདུ་ཤེས་ཡང་མེད་བདག་ལ་བདག་ཏུ་འདུ་ཤེས་པ་ཡང་མེད། ལུང་བསྟན་པའི་བསྟན་པ་ལ་ཡང་ལུང་བསྟན་པའི
118b4 བསྟན་པར་འདུ་ཤེས་པ་ཡང་མེད་པར་གྱུར་ཏོ།། བློ་གྲོས་རྒྱ་མཚོ་འདི་ནི་བྱང་ཆུབ་སེམས་དཔའི་འཁོར་གསུམ་ཡོངས་སུ་དག་པའི་ལུང་བསྟན་པ་སྟེ། གང་ལ་སངས་རྒྱས་སུ་འདུ་ཤེས་པ་ཡང་མེད་པ
118b5 བདག་ཏུ་འདུ་ཤེས་པ་མེད་པ་དང་ལུང་བསྟན་པའི་བསྟན་པར་འདུ་ཤེས་པ་མེད་པར་འདི་ནི་འཁོར་གསུམ་ཡོངས་སུ་དག་པ་ཞེས་བྱའོ།། བློ་གྲོས་རྒྱ་མཚོ་གཞན་ཡང
118b6 འཁོར་གསུམ་ཡོངས་སུ་དག་པ་གང་ཞེ་ན། གང་ལ་བདག་ཏུ་འཛིན་པ་མེད་པ་དང་། སེམས་ཅན་དུ་འཛིན་པ་མེད་པ་དང་། ཆོས་སུ་འཛིན་པ་མེད་པའོ།། གཞན་ཡང་འཁོར
118b7 གསུམ་ཡོངས་སུ་དག་པ་ནི་གང་ལ་མིང་དུ་འཛིན་པ་མེད་པ་དང་། གཟུགས་སུ་འཛིན་པ་མེད་པ་དང་། དམིགས་པར་འཛིན་པ་མེད་པའོ།། གཞན་ཡང་འཁོར་གསུམ་ཡོངས་སུ་དག་པ་ནི།
iiif viewer powered by OpenSeadragon
