| e-texts navigator |
| Wylie |
118a1 པའོ།། ཤེས་རབ་ཀྱང་རྒྱུ་བ་མེད་པ། སྤྲོས་པ་མེད་པ་སྟེ། དེ་ནི་མཐོང་བ་མ་ཡིན། མི་མཐོང་བ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། མཐོང་བ་དང་།།
118a2 མི་མཐོང་བ་དེ་གཉིས་ཀ་ཡང་མཐའ་སྟེ། མཐོང་བ་དང་། མི་མཐོང་བའི་མཐའ་གཉིས་དང་བྲལ་བ་ནི་སངས་རྒྱས་མཐོང་བའོ།། གང་སངས་རྒྱས་མཐོང་བ་དེ་བདག་མཐོང་བ་སྟེ།།
118a3 བདག་མཐོང་བ་རྣམ་པར་དག་པས། སངས་རྒྱས་མཐོང་བ་རྣམ་པར་དག། སངས་རྒྱས་མཐོང་བ་རྣམ་པར་དག་པས་ཆོས་ཐམས་ཅད་མཐོང་བ་རྣམ་པར་དག་པར་ཁོང་དུ་ཆུད་པར་བྱའོ།། །
118a4 གང་མཐོང་བ་རྣམ་པར་དག་པ་དེ་ལ་ཡེ་ཤེས་མཐོང་བ་འདི་ནི། སངས་རྒྱས་མཐོང་བ་ཞེས་བྱའོ།། བློ་གྲོས་རྒྱ་མཆོ་ངས་ཀྱང་དེ་བཞིན་གཤེགས་པ་མར་མ་མཛད་དེ་ལྟར་མཐོང་སྟེ། མཐོང་།
118a5 མ་ཐག་ཏུ་ངས་ཐོབ་པ་མེད་པ་དང་། མི་དམིགས་པའི་ཚུལ་གྱིས་མི་སྐྱེ་བའི་ཆོས་ལ་བཟོད་པ་ཐོབ་བོ།། བཟོད་པ་ཐོབ་མ་ཐག་ཏུ་ངས་ལས་ཤིང་རྟ་ལ་བདུན་ཙམ་དུ་འཕགས་ཏེ་ངནམ
118a6 མཁའི་དཀྱིལ་དེ་ལ་གནས་ནས། ཐམས་ཅད་མཁྱེན་པའི་ཡེ་ཤེས་ཀྱི་འབྱོར་པ་ལ་རྣམ་པར་བརྟགས་ལྟ་བར་གྱུར་པ་ཐམས་ཅད་ཡང་དག་པར་ཆད། རྟོག་པ་དང་རྣམ་པར་རྟོག་པ་དང་།
118a7 ཡོངས་སུ་རྟོག་པ་ཐམས་ཅད་ལས་ཤིན་ཏུ་འདས་ཤིང་། རྣམ་པར་ཤེས་པ་ཡུལ་ཐམས་ཅད་ལ་མི་གནས་ཏེ། ཏིང་ངེ་འཛིན་དྲུག་ཁྲི་མངོན་སུམ་དུ་གྱུར་ནས། བཅོམ་ལྡན་འདས
iiif viewer powered by OpenSeadragon
