| e-texts navigator |
| Wylie |
116b1 བའི་ཆོས་བྱུང་བའོ།། དྲན་པ་ཉེ་བར་གཞག་པ་བྱུང་བའོ།། ཡང་དག་པར་སྤོང་བབྱུང་བའོ།། རྫུ་འཕྲུལ་གྱི་རྐང་པ་བྱུང་བའོ།། དབང་པོ་བྱུང་བའོ།། སྟོབས་བྱུང་བའོ།། བྱང་ཆུབ་ཀྱི་ཡན
116b2 ལག་བྱུང་བའོ།། ལམ་བྱུང་བའོ།། ཞི་གནས་བྱུང་བའོ།། ལྷག་མཐོང་བྱུང་བའོ།། མངོན་པར་ཤེས་པ་བྱུང་བའོ།། རིག་པ་བྱུང་བའོ།། རྣམ་པར་གྲོལ་བ་བྱུང་བའོ།། བཅོམ་ལྡན
116b3 འདས་སངས་རྒྱས་བྱུང་བ་ནི་མི་དགེ་བའི་ཆོས་ཐམས་ཅད་སྤོང་བ་དང་། དགེ་བའི་ཆོས་ཐམས་ཅད་བྱུང་བའོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ
116b4 ཤེས་རབ་བརྩེགས་ཤེས་བྱ་བ་འཁོར་དེ་ཉིད་དུ་འདུས་ཏེ་འདུག་པ་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་གསུངས་པའི་དོན་ཇི་ལྟར་བདག་གིས་འཚལ
116b5 བ་ལྟར་ན་བདག་འདི་སྙམ་བགྱིད་དེ། བཅོམ་ལྡན་འདས་འདི་ལྟར་སངས་རྒྱས་བྱུང་བ་ནི་འཇིགས་ཚོགས་ལ་ལྟ་བ་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་མ་རིག་པ་དང་། སྲིད་པ་དང་།།
116b6 སྲེད་པ་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི། འདོད་ཆགས་དང་། ཞེ་སྡང་དང་། གཏི་མུག་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་ཕྱིན་ཅི་ལོག་བཞི་བྱུང་བའོ།།
116b7 བཅོམ་ལྡན་འདས་སངས་རྒྱས་བྱུང་བ་ནི། སྒྲིབ་པ་ལྔ་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་སྐྱེ་མཆེད་དྲུག་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི། རྣམ་པར་ཤེས
iiif viewer powered by OpenSeadragon
