| e-texts navigator |
| Wylie |
116a1 གསུང་ནི་ལོག་པར་གསུང་མི་མངའ།། ཡང་དག་ཁོ་ན་གསུང་ཅན་ཡོངས་སུ་དག། ཐུགས་དག་ནམ་མཁའ་འདྲ་བའི་ཐུགས་སངའ་བ། འཇིག་རྟེན་ཆོས་དང་རླུང་།
116a2 དང་སྲེད་པ་གསལ།། པདྨ་ལྟ་བུར་སྲིད་གསུམ་ཆགས་མི་མངའ།། བསྔགས་པའི་འཕྲེང་བ་གསན་ཀྱང་དགྱེས་མི་འགྱུར།། སྨད་པ་གསན་ཀྱང་ཞེ་སྡང་ཡོང་མི་མངའ།། རི་རངབ་ལྟ་བུར
116a3 ཡོངས་སུ་རྟོག་ལས་གྲོལ།། འགྲོ་བ་བདེ་སོལ་ཁྱོད་ལ་ཕྱག་འཚལ་ལོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས།། བཅོམ་ལྡན་འདས་ལ་ཚིགས
116a4 སུ་བཅད་པ་དེ་དག་གིས་མངོན་པར་བསྟོད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སངས་རྒྱས་བྱུང་བ་ནི་རིན་པོ་ཆེ་བྱུང་བའོ།། བཅོམ་ལྡན་འདས་སངས་རྒྱས
116a5 བྱུང་བ་ནི་བདེ་བ་བྱུང་བའོ།། དྲན་པ་བྱུང་བའོ།། བློ་གྲོས་བྱུང་བའོ།། རྟོགས་པ་བྱུང་བའོ།། ངོ་ཚ་ཤེས་པ་བྱུང་བའོ།། མོས་པ་བྱང་བའོ།། སྦྱིན་པ་བྱུང་བའོ།། ཚུལ་ཁྲིམས་བྱུང་བའོ།།
116a6 བཟོད་པ་བྱུང་བའོ།། བརྩོན་འགྲུས་བྱུང་བའོ།། བསམ་གཏན་བྱུང་བའོ།། ཤེས་རབ་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་བྱམས་པ་བྱུང་བའོ།། སྙིང་རྗེ་བྱུང་བའོ།།
116a7 དགའ་བ་བྱུང་བའོ།། བཏང་སྙོམས་བྱུང་བའོ།། དོན་བྱུང་བའོ།། བདེན་པ་བྱུང་བའོ།། ཆོས་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི། ཡང་དག་པར་དགའ་བར་འགྱུར
iiif viewer powered by OpenSeadragon
