| e-texts navigator |
| Wylie |
106a1 དེ་ནས་བཅོམ་ལྡན་འདས་ཀྱིས་ལྷའི་བུ་དེ་དགུ་ལ་ལེགས་སོ་ཞེས་བྱ་བ་བྱིན་ཏེ། ལྷའི་བུ་དག་ཚིག་འདི་ལེགས་པར་སྤྲས་པ་ལེགས་སོ་ལེགས་སོ།། གང་དག་ཆོས
106a2 ཀྱི་སྒོའི་ལེའུ་འདི་ཉན་པ་དང་། ཐོས་ནས་ཀྱང་མོས་པ་དང་། མོས་ནས་ཀྱང་ལེན་པ་དང་། འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དང་། དེ་བཞིན་ཉིད་དུ་སྒྲུབ་པའི
106a3 སྐྱེས་བུ་དམ་པ་དེ་དག་བྱང་ཆུབ་ཀྱི་སྙིང་པོ་ལ་གཞོལ་བར་ལྟ།། དེ་དག་ཡོན་ཏན་ཐམས་ཅད་ལ་གནས་པར་བལྟ། དེ་དག་ཐམས་ཅད་མཁྱེན་པའི་གཙུག་ཏུ་ཕྱིན་པ་དང་། འཇིག་རྟེན
106a4 གནས་པ་ལོང་བ་ལ་ཤེས་རབ་ཀྱི་སྒྲོན་མ་བྱེད་པ་དག་ཏུ་བལྟ་སྟེ། དེ་དག་རིང་པོར་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར
106a5 འགྱུར་རོ།། དེ་ཅིའི་ཕྱིར་ཞེ་ན། འདི་ལྟ་སྟེ། དེ་དག་ཐག་པ་ཆེན་པོའི་ཐེག་པ་ལ་ཞོན་པའི་ཕྱིར་རོ།། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག
106a6 གསུངས་སོ།། སངས་རྒྱས་ཐེག་པ་ཆེན་པོའི་ཐིག་འདི་ཁྱད་པར་འཕགས། ནམ་མཁའི་དཀྱིལ་དང་འདྲ་སྟེ་འཇིག་རྟེན་ཀུན་ལས་འདས།། སྲིད་པ་གསུམ་ལས་འདས་ནས་བྱང་ཆུབ་སྙིང་པོར
106a7 འགྲོ།། ཆགས་པ་མེད་དེ་ཆགས་པ་ཀུན་ལས་ཤིན་ཏུ་འདས།། སྦྱིན་དང་དུལ་དང་ཞི་དང་ཚུལ་བཞིན་བསམ་པ་ཡིས།། བསྐལ་པ་བྱ་བར་རྒྱ་ཆེན་ལས་བྱུང་བསགས་པར་བརྗོད།། ཚུལ
iiif viewer powered by OpenSeadragon
