| e-texts navigator |
| Wylie |
105b1 གང་ཅུང་ཟད་ཙམ་ཡང་མི་འཛིན་པ་དེ་དག་རིན་པོ་ཆེ་ལས་ཡོངས་སུ་ཉམས་ཤིང་། རིན་པོ་ཆེ་ལས་སྤང་རོལ་ཏུ་གྱུར་ཏེ། ཡུན་རིང་པོར་ངན་སོང་གསུམ་པོ་དག་ལ་དགའ་བར་འགྱུར་རོ།། བཅོམ
105b2 ལྡན་འདས་གང་དག་ཆོས་རིན་པོ་ཆེའི་གཏར་ཆེན་པོ་འདི་ལས་ཐ་ན་ཚིག་བཞི་པའི་ཚིགས་སུ་བཅད་པ་ཙམ་འཛིན་པ་དེ་དག་ཀྱང་། འཕགས་པའི་ནོར་དང་ལྡན་ཏེ། དབུལ་པོ་མ་ལགས་ན། གང
105b3 འདུས་པ་ཆེན་པོའི་ལེའུའི་ཆོས་ཀྱི་རྣམ་གྲངས་འདི་ལས་ཟ་ན་ལེའུ་གཅིག་ཙམ་འཛིན་ཏམ་གཉིས་སམ་གསུམ་མ་མབཞི་འམ། ལྔ་འམ། བཅུའམ་ཉི་ཤུ་འམ
105b4 སུམ་ཅུ་འམ་བཞི་བཅུའམ། ལྔ་བཅུའམ་དྲུག་ཅུའམ། བདུན་ཅུ་འམ་མཐའ་དག་རྫོགས་པར་འཛིན་པ་ལྟ་སྨོས་ཀྱང་ཅི་འཚལ་ཏེ། སྐྱེས་བུ་དམ་པ་དེ་དག་གི་བསོད
105b5 ནམས་ཀྱི་མཐའ་རྟོགས་པར་མི་ནུས་སོ།། བཅོམ་ལྡན་འདས་བྱང་ཆུབ་ཀྱི་སེམས་དང་མ་བྲལ་བ་སེམས་ཅན་ཐམས་ཅད་ལ་སྙིང་རྗེ་ཆེན་པོས་རབ་ཏུ་ནོན་པ་གང་དག་ཆོས་ཀྱི་སྒོའི་ལེའུ་འ
105b6 འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་དེ་དག་བླ་ན་མེད་པ་ཡང་དག་པར་རྫོགས་པའི
105b7 བྱང་ཆུབ་ཏུ་ལུང་བསྟན་པ་དང་དེ་དག་བདུད་ཆོམས་པ་དང་། དེ་དག་ཐེག་པ་ཆེན་པོ་འདི་ལ་མངོན་པར་ཤེས་པ་ཐོབ་པར་རིག་པར་བགྱིའོ།། ཞེས་ཆེད་དུ་རྗོད་པ་ཆེད་དུ་བརྗོད་དོ།།
iiif viewer powered by OpenSeadragon
