| e-texts navigator |
| Wylie |
105a1 བཅོམ་ལྡན་འདས་ཀྱིས་བསྲི་བ་མི་མངའ་བའི་ཐུགས་ཀྱིས་སེམས་ཅན་ཐམས་ཅད་ལ་ཐུགས་རྗེ་ཆེན་པོའི་ཐུགས་བསྐྱེད་དེ། ཕན་པའི་དངོས་པོ་ཡང་དག་པར
105a2 བསྐྱེད་ནས་ཚངས་པའི་སྒྲ་དབྱངས་ཀྱིས་གོ་བར་མཛད་པའི་གསུང་གིས་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ལ་ཚུར་ཤེག། ཆོས་རིན་པོ་ཆེའི་གཏེར་བླ་ན་མེད་པ་སྐྱེ་བ་དང་། རྒ་བ
105a3 དང་། ན་བ་དང་། འཆི་བ་མཐར་འབྱིན་པ་ཟད་མི་ཤེས་པ་བདེ་བ་ཐམས་ཅད་སྦྱིན་པ་འདི་ལོང་ཤིག་ཅེས་གོ་བར་མཛད་པ་དེ་ལ་བཅོམ་ལྡན་འདས་སྐྱེས་བུ་གཏི་མུག་ཅན་མ་དང་པ་ཁ་ཅིག་ནི་ན
105a4 མོས་བློ་བ་མི་ཆེས་མི་རྟོག་ཅིང་དད་པར་མི་བགྱིད་དོ།། དད་པ་རྟོག་པའི་རང་བཞིན་ཅན་ཁ་ཅིག་ནི་མོས་ཤིང་གློ་བ་ཆེས་རྟོག་ཅིང་དད་པར་བགྱིད་དེ། དེ་དག་གིས་དེ་བཞིན་གཤེགས་པའི་ཆོས་རིན་པོ་ཆེའི
105a5 གཏེར་ཆེན་པོ་ལས་ཅི་ནུས་ཅི་འོས་སུ་ཆོས་རིན་པོ་ཆེ་ལེན་ཅིང་ཐེག་པ་ལ་ཇི་ལྟར་མོས་པ་བཞིན་དུ་རྣམ་པར་འགྲེལ་ཏེ། ཁ་ཅིག་ནི་ཉན་ཐོས་ཉིད་ཀྱི་སླད་དུཁ་ཅིག་ནི་རང་སངས་རྒྱས་ཉིད་ཀྱི
105a6 སླད་དུ་ཁ་ཅིག་གི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སླད་དུ་ཞུགས་ཀྱང་། དེ་བཞིན་གཤེགས་པའི་ཆོས་རིན་པོ་ཆེའི་གཏེར་ཆེན་པོ་འཕྱེ་བླ་ན་མ་མཆིས་པ་ནི་ཡོངས་སུ་བྱས་པར་མི
105a7 འགྱུར་ཞིང་ཡོངས་སུ་མི་རྟོག་གོ།། བཅོམ་ལྡན་འདས་དེ་ལ་གང་གིས་དེ་བཞིན་གཤེགས་པའི་ཆོས་རིན་པོ་ཆེའི་གཏེར་ཆེན་པོ་འདི་ལྟར་རབ་ཏུ་བཏང་བའི་ད་ལྟར་རྣམ་པར་བྱ་བ་འདི་ལས་པ་ཐ་ན
iiif viewer powered by OpenSeadragon
