| e-texts navigator |
| Wylie |
102b1 མི་སྲུང་བ་དང་། སྦྱིན་པ་པོ་རྣམས་ལ་བརྙས་པ་དང་། སྦྱིན་གནས་རྣམས་ལ་ཁྱད་དུ་གསོད་པའོ།། གཞན་ཡང་བཞིསྟེ། ལུས་ཀྱི་ལས་ཡོངས་སུ་མ་དག་པ་དང་། ངག་གི་ལས་ཀུན་ཏུ་མ།
102b2 སྲུང་བ་དང་། སེམས་ཀྱི་ལས་ཞུམ་པ་དང་། ཟག་པོ་ཆེན་པོ་ལ་སྒྱིད་ལུག་པའོ།། གཞན་ཡང་བཞི་སྟེ། འདུམ་པ་རྣམས་ལ་དབེན་བྱེད་པ་དང་། སློབ་དཔོན་དང་། མཁན་པོ་རྣམ
102b3 ལ་ཚིག་བརླང་བ་དང་། དགོས་པ་དོན་ཏུ་གཉེར་བ་རྣམས་ལ་ཚིག་ཀྱལ་པ་སྨྲ་བ་དང་། ལཱུ་དང་མི་རྣམས་ལ་སླུ་བའོ།། གཞན་ཡང་བཞི་སྟེ། ཚུལ་ཁྲིམས་ཀྱི་ཕུང་པོ་ཀུན་ཏུ་མི་སྲུང་བ་དང་།
102b4 འཇིག་རྟེན་ཕ་རོལ་ལ་ལོག་པར་བརྗོད་པ་དང་། དགེ་བའི་རྩ་བ་རྣམས་འཇིག་པ་དང་། ཚེགས་བསགས་པ་རབ་ཏུ་འཇིག་པའོ།། གཞན་ཡང་བཞི་སྟེ། རྒོད་པའི་འཁོར་དང་། ཁེངས་ཤིག
102b5 འདུས་པ་ལ་ཆགས་པ་དང་། མུ་ཚོར་སྨྲ་བས་ལྷུང་བར་ཤིན་ཏུ་འདའ་བ་དང་། ཚོལ་བའི་ཚིག་གིས་འཇིག་རྟེན་པའི་གསང་ཚིག་བརྗོད་པའོ།། གཞན་ཡང་བཞི་སྟེ། མི་བརྩོན་པར་དགོན།
102b6 པ་ལ་གནས་པ་དང་། ཁོང་ཁྲོ་བ་མད་ལ་འདྲེ་ཞིང་གནས་པར་དང་། དགེ་བའི་རྩ་བ་མ་བསྐྱེད་པར་བསོད་ནམས་དང་། ལྡན་པར་འདུ་ཤེས་པ་དང་བྱང་ཆུབ་སེམས་དཔའི་མིང་གིས་ཐོབ
102b7 པས་འཚོ་བའོ།། གཞན་ཡང་བཞི་སྟེ། ཅང་ཤེས་མེད་པའི་སེམས་དང་། རྨུ་རྒོད་ཀྱི་སེམས་དང་། མ་དུལ་བའི་སེམས་དང་། སེམས་ཅན་རྣམས་ལ་མི་སྙོམས་པའི་སེམས་སོ།།
iiif viewer powered by OpenSeadragon
