| e-texts navigator |
| Wylie |
101b1 འགེད་པར་མི་བྱེད་པ་དང་། གཞན་གྱི་འཐོབ་པ་གཅོད་པ་དང་། རང་གི་འཐོབ་པས་ཆོག་མི་ཤེས་པའོ།། གཞན་ཡང་བཞི་སྟེ། སྤྱོད་ལམ་གྱིས་ལུས་ཚུལ་འཆོས་པ་དང་། ལོག་པར་སྦུབས་ངག་ཚུལ
101b2 འཆོས་པ་དང་། སྡིག་པ་འཆོས་པ་དང་། སྡིག་པ་འདོད་པས་སེམས་ཚུལ་འཆོས་པ་དང་། འཚོ་བ་ཡོངས་སུ་མ་དག་པས་ཐམས་ཅད་ཚུལ་འཆོས་པའོ།། གཞན་ཡང་བཞི་སྟེ། ཐེག་པ་མཚུངས་པ
101b3 ལ་ཡང་དག་པར་ཞུགས་པ་རྣམས་ལ་ཞེ་སྡང་བ་དང་། བདུད་ཀྱི་ལས་ཁོང་དུ་མ་ཆུད་པས་མངོན་པའི་ང་རྒྱལ་ཅན་དང་། དེ་དག་གི་བསྔགས་པ་མ་ཡིན་པ་བརྗོད་པ་དང་། དེ་དག་གི་བསྔགས་པ་དང་། ཡོན་ཏན
101b4 གྱིས་ཡིད་མི་བདེ་བར་འགྱུར་བའོ།། གཞན་ཡང་བཞི་སྟེ། ང་རྒྱལ་གྱིས་ཁེངས་ནས་ཆོས་རྣམས་ལ་རིམ་གྲོ་མེད་པ་དང་། ཆོས་སྨྲ་བ་རྣམས་ལ་མི་གུས་པ་དང་། ཕ་མ་དང་། སློབ་དཔོན་དང་། མཁན་།
101b5 པོ་རྣམས་ལ་མི་འདུད་པ་དང་། ལུས་དང་། སེམས་རྩུབ་པས་རྟག་པར་རྒྱུན་མི་མཐུན་པར་གནས་པའོ།། གཞན་ཡང་བཞི་སྟེ། བདག་གི་ཡོན་ཏན་བརྗོད་པ་དང་། གཞན་གྱི་ཡོན་ཏན་ལོག་པར
101b6 བརྗོད་པ་དང་། ངའོ་སྙམ་པའི་ང་རྒྱལ་འབར་བ་དང་། ཁྲོ་བ་བརྟན་པའོ།། གཞན་ཡང་བཞི་སྟེ། ལེ་ལོ་དང་། སྙོམས་ལས་དང་། བཀའ་བློ་མི་བདེ་བ་དང་། འཐུན་པར་མི་འཛིན་པའོ།།
101b7 གཞན་ཡང་བཞི་སྟེ། མ་དུལ་བ་དང་། མ་ཞི་བ་དང་། མ་སྦས་པ་དང་། མ་བཏུལ་བའོ།། གཞན་ཡང་བཞི་སྟེ། ཟོས་པ་ཉུང་ངུས་གྲོང་དང་། གྲོང་ཁྱེར་དང་། གྲོང་རྡལ་དུ་འཇུག་པ་དང་།
iiif viewer powered by OpenSeadragon
