| e-texts navigator |
| Wylie |
128a1 སངས་རྒྱས་བཅོམ་ལྡན་འདས་གང་ཡིན་པ་དེ་དག་ཀྱང་སྣང་ངོ་།། དེ་བཞིན་དུ་སངས་རྒྱས་བཅོམ་ལྡན་འདས་གཅིག་ནས་གཅིག་ཏུ་བརྒྱུད་པ་ཕྱི་མའི་མཐར་ཐུགས་པའི་བར་དུ་བསྟན་ཀྱང་།
128a2 སངས་རྒྱས་གཅིག་ན་ས་གཅིག་ཏུ་བརྒྱུད་པ་དེ་དག་གི་མཐའ་བསྟན་པར་མི་ནུས་སོ།། སངས་རྒྱས་བཅོམ་ལྡན་འདས་རེ་རེ་ལ་ཡང་འཁོར་གྱི་དཀྱིལ་འཁོར་རྒྱ་མཚོ་དཔག་ཏུ་མེད། གྲངས་མེད་པ་དག་སྣང
128a3 ངོ་།། བྱང་ཆུབ་སེམས་དཔའ་དེ་དག་གི་བྱང་ཆུབ་སེམས་དཔའི་སྤྱོད་པ་རྒྱ་མཚོ་རྣམ་པ་སྣ་ཚོགས་བསྟན་པ་གང་ཡིན་པ་དེ་དག་ཀྱང་ཐོས་སོ།། བྱང་ཆུབ་སེམས་དཔའ་དེ་དག་གི་མངོན་པར་རྫོགས
128a4 པར་བྱང་ཆུབ་པ་ཡང་སྣང་ངོ་།། དེ་དག་གི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རྒྱ་མཚོ་དག་ཀྱང་སྣང་ངོ་།། བྱང་ཆུབ་སེམས་དཔའ་དེ་དག་གི་བྱང་ཆུབ་ཀྱི་སྤྱོད་པ་རྒྱ་མཚོ་རྣམ་པ་སྣ་ཚོགས།
128a5 བསྟན་པ་གང་ཡིན་པ་དེ་དག་ཀྱང་ཐོས་སོ།། བྱང་ཆུབ་སེམས་དཔའ་དེ་དག་གི་མངོན་པར་རྫོགས་པར་བྱང་ཆུབ་པ་དག་ཀྱང་སྣང་ངོ་།། སངས་རྒྱས་བཅོམ་ལྡན་འདས་རེ་རེའི་བྱང་ཆུབ་སེམས་དཔའི་འཁོར
128a6 གྱི་དཀྱིལ་འཁོར་དཔག་ཏུ་མེད། གྲངས་མེད་པ་དག་ཀྱང་སྣང་ངོ་།། དེ་དག་གི་བྱང་ཆུབ་སེམས་དཔའ་སྤྱོད་པ་རྣམ་པ་སྣ་ཚོགས་གང་ཡིན་པ་དེ་དག་ཀྱང་སྣང་ཞིང་ཐོས་སོ།། དེ་བཞིན་དུ་མ་འོངས་པའི་སངས
128a7 རྒྱས་བཅོམ་ལྡན་འདས་དེ་དག་གི་སངས་རྒྱས་གཅིག་ནས་གཅིག་ཏུ་བརྒྱུད་པ་ཡང་བསྐལ་པ་རྒྱ་མཚོ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་བར་དུ་བསྟན་ཀྱང་མཐར་ཕྱིན་པར་མི་འགྱུར་རོ།།
iiif viewer powered by OpenSeadragon
