| e-texts navigator |
| Wylie |
342a1 བུའི་ཚོགས་དེ་གཉིས་ཀ་ཤི་ས་མེད་པ་དང་། ཕ་མ་འདུས་པ་ལས་མངལ་ཆགས་པར་འགྱུར་རོ།། ཤཱ་རིའི་བུ་བུད་མེད་ཀྱི་ལུས་ལ་ལུས་ཀྱི་མང་སྐྱེ་གནས་ཀྱི་སྒོན་སྲིན་བུའི།
342a2 ཚོགས་བཞི་ཡོད་དོ།། འདི་ལྟ་སྟེ། མཆུ་མཆོག་ཅེས་བྱ་བ་དང་། གོང་བུ་སྤད་ཅེས་བྱ་བ་དང་། རླུང་འབྱིན་ཅེས་བྱ་བ་དང་། འདོད་ལེན་ཅེས་བྱ་བ་སྟེ། དེ་དག་རྟག་ཏུ་རྒྱུན་མི་འཆད་པར་བུད་མེད་ཀྱི
342a3 ལུས་ལ་ཟ་བ་སྟེ། དེས་ན་བུད་མེད་ཉོན་མོངས་པ་རྣམས་ཀྱིས་ཤིན་ཏུ་འབར་བར་བྱེད་དེ། འདོད་པ་ཡོངས་སུ་སྤྱད་པས་མི་ངོམས་པ་ཡིན་ནོ།། དེ་ལྟ་བས་ན། དེ་བཞིན་གཤེགས་པས་བུད་མེད་ཀྱི་སྐྱོན
342a4 ཆེས་ལྷག་པ་དེ་དག་མཁྱེན་ནས། བསླབ་པའི་གཞི་ལྷག་པ་དག་བཅའ་བར་མཛད་དོ།། ཤཱ་རིའི་བུ་ཆོས་ཀྱི་ཕུང་པོའི་ཆོས་ཀྱི་རྣམ་གྲངས་འདི་ཡང་དང་ཡང་དུ་འཁོར་བཞི་པོ་དག་ལ་སྟོན་ཅིག། དེ་ཙ
342a5 ཕྱིར་ཞེ་ན། འདོད་པ་རྣམས་ནི་སྨད་པར་བྱ་བ་ཡིན་པར་ཤེས་པར་འགྱུར། ལུས་ནི་སྨད་པར་བྱ་བ་ཡིན་པར་ཤེས་པར་འགྱུར་བའི་ཕྱིར་རོ།། ཤཱ་རིའི་བུ་དེ་ལྟར་ལུས་འདི་བཅོས་མ་ཡིན་པར་ཤེས
342a6 ནས་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་མ་གཏོགས་པར་སུ་ཞིག་འདོད་པ་རྣམས་ལ་བརྟེན་པར་བྱེད་དེ། དེ་ནི་གནས་མེད་དོ།། ཤཱ་རིའི་བུ་དེ་ལྟ་བས་ན། ལུས་འདི་ལ་མངོན་པར་དགའ་བར
342a7 མི་བྱ་ལྷག་པར་ཆགས་པར་མི་བྱའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། དེ་བཞིན་དུ་སྟོན་པས་གཞན་ཡང་འདི་སྐད་ཅེས
iiif viewer powered by OpenSeadragon
